ھاران ءَ سلاہ بندانی ناکہ بندی، پوج ءِ سر ءَ اُرش، دو پُھل تباہ

بلوچستان ءِ دمگ ھاران ءَ جتاجتائیں ھندانی سر ءَ سلاہ بندیں مردمانی نیمگ ءَ چہ ناکہ بندی کنگ بیتگ اود ءَ پوج ھم اُرشانی نشانگ کنگ کپتگ وھدے شھدگ سر ءَ دو پُھل تباہ کنگ بیتگ اَنت-

مروچی سُھب ءَ ھاران ءَ نوروز کلات، زاروزئی ءُ ساراوان ءِ ھندانی سر ءَ سلاہ بندیں مردمانی مزنیں کچے ءَ شھدگانی سر ءَ ناکہ بندی کتگ دمگ انگیر ءَ کتگ-

اِھوالکار ءِ رِد ءَ پاکستانی پوج ھما وھد ءَ اُرش ءِ نشانگ کتگ ءُ جانی تاوان ءِ دیمپانی کنگ کپتگ وھدے آ نوروز کلات ءِ دمگ ءَ پیشگامی ءِ جُھد ءَ بیتگ- اُرش ءَ دو کارندہ ءِ بیرانی ھال اِنت بلے واکدار ءَ تنی وھدے اشی ءِ پدری نہ کتگ-

ھمے وڑ ساراوان ءَ ھاران –کراچی بُنجاھی شھدگ سر ءَ دو پُھل تراکناکیں شورو پٹ کتگ ءُ تراکینتگ-

دمگی اِھوالکار ءِ رِد ءَ نوروز کلات ءَ پوج ءِ نیمگ ءَ چہ لس آبادیانی سر ءَ مارٹر گولہ آس داتگ بلے تنی وھدے جانی تاوان ءِ درگت ءَ سرپدی نہ رس اِتگ-

اے کاروائیانی زمہ واری انگت ھچ گل ءَ نہ زرتگ اَنت-