ناشناسیں مردماں دزبمب اُرشے ءَ پولیس ءِ موبائل نشانگ جوڑ کتگ۔
گیشیں ھالانی رد ءَ ڈیرہ مراد جمالی ءَ ڈی سی چوک ءَ گشت کنوکیں پولیس ءِ موبائل ءِ سر ءَ ناشناسیں مردماں دزبمبے چگل داتگ ایشی ءِ آسر ءَ گاڑی ءَ را سک باز تاوان رس اتگ۔
ڈیرہ مراد جمالی پولیس ءِ رد ءَ اے اُرش ءَ پولیس ءِ سئے کارندہ ٹپیگ بوتگ اَنت ءُ نزیک ءَ سئے راہ گوز ھم اے اُرش ءَ کم کساسے ءَ ٹپیگ بوتگ اَنت۔
ارش کنوک اے وئیل ءَ پد آسانی ءَ چہ درکپگ ءَ سوبین بوتگ اَنت وھدے کہ دمگی پولیس ءُ ایف سی پٹ ءُ پول کنگ ءَ انت-