بلوچستان ءِ دمگ گوادر ءُ کیچ ءَ پاکستانی پوج ءَ بازیں مردمے آوار جتگ ءُ بیگواہ کتگ اَنت وھدے کہ یک مردمے کشتگ-
ھالانی رِد ءَ پاکستانی پوج ءَ گوادر ءِ دمگ پسنی شادی کور ءَ آپریشن کنان ءَ پنجاہ ءَ چہ گیش مردم آوار جتگ ءُ بیگواہ کتگ اَنت-
آپریشن رِد ءَ آؤکیں دمگاں زرین کور، تراتی، گورستانی ءُ کبادی ھوار-
دومی نیمگ ءَ کیچ ءِ دمگ چہ تمپ ءَ ھال اِنت کہ مروچی سھب ءَ پاکستانی پوج ءَ کوشقلات ءِ ھند سر ءَ آپریشن بندات کنان ءَ بازیں مردمے آوار کتگ- وھدے کہ اے میان ءَ یک مردمے کُشگ بیگ ءِ ھم ھال اِنت-
اِھوالکار ءِ رِد ءَ آپریشن ءِ میان ءَ تیرگواری ھم توار اش کنگ بوتگ-