پنجگور ءِ دمگ پروم جائین ءَ دو مردم زورانسری آوار جنی ءِ ھال دیم ءَ اَتکگ-
ھالانی رِد ءَ پنچ مئی 2026 نیمروچ کساس دوازدہ ءَ پاکستانی پوج، فرنٹیئر کور (ایف سی ) ءِ کارندھاں مولانا عبدالحمید مستاگ ءُ ناصر ھیبتان پروم ءَ برجاہ ایف سی ءِ بُنجل ءَ لوٹائینتگ، بلے اشی ءَ پد آیانی درگت ءَ ھچ وڑیں ھال نیست-
دمگی اِھوالکار ءِ رِد ءَ دوئیں مردم وھد سر ءَ بُنجل ءَ پیش بیتگ اَنت بلے بازاں کلاکانی گوزگ ءَ اَبید ناں آ واتر بیتگ ءُ ناں آیانی آوار جنی ءِ درگت ءَ آوار جنی ءُ یا یل کنگ ءِ درگت ءَ ھچ وڑیں ھال نیست- کھول تُرس ودی بیتگ کہ آ زورانسری بیگواہ کتگ-
زانگ بہ بیت کہ بلوچستان ءَ انسانی ھکانی گلاں گوستگیں دو دھکانی میان ءَ بلوچستان ءَ درزنانی مردم بیگواھی ءِ وئیل رپورٹ بیتگ اَنت، آیانی تہ ءَ بازیں مردمے روچ مروچی یل نہ بیتگ- زانتکارانی رِد ءَ بلوچستان ءِ زورانسری آوار جنیانی ءِ جیڑہ یک مزنیں انسانی ءُ کانودی ناگیگیں دروشم ءَ اَتکگ-