صحبت پور ءِ دمگ بھنڈ ءِ نزیک ءَ بھادر خان کھوسہ ءِ ھند ءَ ناشناسیں مردماں چہ جعفر آباد ءَ سھبت پور ءَ شش انچ ءِ قطر ءِ مین گیس پائپ لائن تباہ کنگ بیتگ-
تراک ءَ چہ گیس ءِ پائپ لائن ءَ مزنیں تاوانے رس اتگ، ایشی ءِ سبب ءَ صحبت پور ءُ آئی ءِ کش ءُ گور ءِ دمگاں گیس ءِ سپلائی بند بوتگ۔
سوئی سدرن گیس کمپنی ءِ کارندھانی رد ءَ کمپنی ءِ تکنیکی کارندہ زوت جاہ ءَ سر بوتگ اَنت ءُ جاور ھال ءِ چار ءُ تپاسی ءَ پد آیاں آماچیں گیس ءِ پائپ لائن ءِ جوڑ کنگ بندات کتگ۔
جارکش ءَ گوشت کہ مرمت ءِ کار گوں ترندی ءَ برجاہ انت ءُُ شپ ءَ تاں گیس ءِ سپلائی بھال کنگ ءِ کوشست کنگ بوھگ ءَ انت۔