بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں بیست دو جون یکشمبے ءِ بیگاہ ءِ ھپت ءَ چہ شال ءِ ھمگرنچیں دمگ دشت ءَ برجاہ سپیزنڈ لیویز تھانہ سر دستگ کتگ اود ءَ ساڑی سرجمیں لیویز کارندہ دزگیر کتگ ءُ آئی ءِ سرجمیں سرکاری سلاہ دستیگ کتگ ءُ برتگ اَنت-
جارکش ءَ گْوشتگ کہ سرمچارانی یک ٹولی ءَ شال سبی شھدگ سر ءَ سپزنڈ تھانہ دیم ءَ ناکہ بندی کتگ ءُ گاڑی پٹ ءُ پول کتگ اَنت وھدے کہ دشت مستونک ءَ ھمگرنچ کنوکیں دگ ھم سرمچاراں کنٹرول کتگ ءُ عمر ڈھور ءِ دمگ ءَ ھوار سرجمیں دمگاں شپ ءِ یازدہ تاں گشت کتگ-
جارکش ءَ گْوشتگ شال، مستونگ، نوشکی ءِ وڑیں ھاسیں شھدگانی سر ءَ ناکہ بندی، لیویز تھانہ دستیگ کنگ ءُ اود ءَ ساڑی سرجمیں سلاھانی برگ بی ایل ایف ءِ سرمچارانی سوبمندیں اپریشنل رپکاں ءُ توانمندی ءَ پدر کنت-
جارکش ءَ گْوشتگ بلوچستان لبریشن فرنٹ ءَ دشت لیویز تھانہ ءَ ساڑی سرکاری سلاھانی دستیگ کنگ زمہ واری ءَ منّ ایں ءَ اے اِھد کن ایں کہ بلوچستان ءِ وتواجھی ءَ تاں زورگریں پوج ءُ آئی ءِ شوربندیاں نشانگ کن ایں-