کلات : شھری کوش ھلاپ ءَ زھرشانی، شال کراچی شھدگ بند

کلات ءَ ناشناسیں مردمانی تیرگواری ءَ چہ عبداللہ نامیں مردمے بیران، ورنا وتی برات کوش ءَ آمیدگس ءَ پیش بیگ ءَ پد لوگ ءَ روگ ءَ بیتگ سلاہ بندیں مردماں آ تیرانی آماچ کتگ ءُ کُشتگ، کھول ءَ وئیل ھلاپ ءَ زھرشانی کنان ءَ مڈوے ءِ ھند سر ءَ لاش ایر کتگ شال کراچی بُنجاھی شھدگ بند کتگ-

بی وائی سی کلات ءَ گْوشتگ کہ روچ رھماں عبداللہ بلوچ ء حاجی الف خان کُشتگ – آ وتی برات قدوس بلوچ دو سال ءَ ساری دُزاں آوار جتگ ءُ کُشتگ اَت- قدوس ءِ کوشکار گرگ ءَ پد چہ بندیگجاہ ءَ تتکگ اَنت ءُ یکشل ءَ عبداللہ ءَ کُشگ ءِ بیھار دیگ ءَ بیتگ اَنت- مروچی وھدے عبداللہ وتی برات ءِ پیشی واستا شتگ ءُ وھدے آمیدگس ءَ چہ درتکگ ءُ بازار تہ ءَ نشانگ کتگ کُشتگ-

آئی ءَ گْوشتگ کہ ریاستی پولیس ءُ انتزامیہ ھرچ دو گز ءِ گستایے ءَ چیک پوسٹ جوڑ کتگ آؤک ءُ رؤکاں ُپٹ پول کن اَنت- آ بلوچ راج ءَ را پھاز دیگ ءَ ھچ واھگندار اَنت بلکیں ھرچ ھما کارمند ءُ چریکاں بے لگام کن اَنت کہ بلوچ چُکچینی ءَ ھمگرنچ اَنت-

دیمتر ءَ گوشتگ اے وھد ءَ کُشگ بیتگیں عبداللہ بلوچ کھول ءَ کلات ھند سر ءَ شال کراچی بُنجاھی شھدگ سرجمی ءَ بند کتگ ءُ لاش ھمراھی ءَ نندانک ءِ داتگ-

کھول گوشگ اِنت کہ انساپ ءِ رسگ ءَ تاں دگ بند بیت-

بلوچ یکجھتی کمیٹی کلات زون نندانک ءِ سرجمی ءَ پلامرزی ءَ کنت ءُ بلوچ راج ءَ چہ دزبندی کنت کہ آ نندانکجاہ ءَ سر بہ بنت ءُ اسرمندیں کھول ھمراھداری ءَ بکن اَنت- بلوچ چُکچینی ءِ ھلاپ ءَ مھکمیں راجی گھگیری یکیں راہ اِنت – انسانی ھکانی گل ءُ میان استمانی ادارھاں چہ دزبندی کن ایں کہ آ اے چُکچینی ءِ سر ءَ گامگیج بزور اَنت-