چُک ءِ یل نہ کنگ ءَ تاں زھرشانی برجاہ بیت- مات
ھمے سال بیست فروری ءَ بلوچستان ءِ تیاب دپی شھر گوادر ءِ تھسیل جیونی ءِ دمگ چہ پانوان ءَ زورانسری بیگواھیں حسرت برکت ءِ کھول ءَ آئی ءِ یل نہ کنگ ءِ ھلاپ ءَ دگ بند کتگ نندانک داتگ-
کھول ءَ گْوشتگ کہ آ پاکستانی پوج آوار جنگ ءَ پد بیگواہ کتگ، آ پہ سلامتی دیم ءَ آرگ بہ بیت-
زانگ بہ بیت ھمے سال ءَ بلوچستان ءَ زورانسری بیگواھی دزگیریاں ھوار دروگیں میڑ ءُ تیر جنگ گیشی کنگ بیتگ- ھمکروچیں بنیاد ءَ زورانسری مردمانی کیس ءُ زھرشانی نکش کنگ بیگ ءَ اَنت-