بلوچستان ءِ دمگ ھاران چہ ھاران سروان دگ ءَ ھشت جنوری ءَ پاکستانی پوج ءِ دست ءَ زورانسری بیگواہ کنگ بیتگیں دوئیں ورنا آجو بیتگ اَنت-
تاں ھپت کلاک ءَ شھر ءِ ریڈزون ءَ برجاھیں نندانک ءَ پد پوج ءَ عاصم ءُ بلاول یل کتگ ءُ نندانکجاہ ءَ سر کتگ اَنت- کھول ءَ اے درگت ءَ ھما سرجمیں مردمانی منٹ گپتگ اَنت کہ آیاں زورانسری آوار جنی بیتگیں زھرشانی ءَ بھر زرتگ اَت-
وھدے کہ ھب ءُ تربت ءَ تنی وھدے زورانسری آوار جنیانی ھلاپ ءَ زھرشانی برجاہ ءَ اِنت-