بلوچستان ءِ بنجاھی شھر شال ءَ ریل ءِ اسٹیشن ءَ وت کُش اُرش ءَ پاکستانی فورسز ءِ کارندہ نشانگ جوڑ کنگ بوتگ اَنت۔
ارش ءِ زمہ واری بلوچ لبریشن آرمی ءَ زرتگ۔ جارکش جیئند بلوچ ءَ وتی یک بیانے ءِ تہ ءَ گْوشتگ: اُرش بی ایل اے ءِ مجید برگیڈ ءِ نیمگ ءَ کنگ بیتگ وھدیکہ اُرش ءِ نشانگ ھما کارندہ بوتگ اَنت کہ انفنٹری اسکول ءَ چہ کورس سرجم کنگ ءَ پد واتر بوھگ ءَ بیتگ انت-
تراک ءِ آسر ءَ 43 کارندہ ٹپیگ بوتگ اَنت کہ ایشانی تہ ءَ 15 کارندہ ءِ نام ٹی بی پی ءَ سر بوتگ اَنت۔
زدگ بیتگیں کارندہ سی ایم ایچ شال ءَ برگ بیتگ انت۔ اے کارندہانی سیادی گوں لائٹ انفنٹری، بلوچ رجمنٹ، پنجاب رجمنٹ، سندھ رجمنٹ ءُ اے دگہ جاھاں گوں سیادی دار اَنت۔
رس اتگیں لسٹ ءِ رد ءَ ھوالدار محمد علی، ھوالدار نعیم، سبیدار سیف، نیک کلیم، لانس نیک احمد، ھوالدار محمد ناصر، نیک وقاس، نائک راشد، نائک کاشف، نائک نوید، لانس نائک عاطف، نائک عمران، ھووالدار عبدالرھمان ، ھوالدار محمد فاروق ءُ نائیک عزیز ھوار اَنت۔
زانگ بہ بیت کہ ٹپیانی تہ ءَ گیشتریں کارندہ ھوار اَنت کہ آیانی ھال انگت ءَ دیم ءَ نہ اتکگ اَنت۔
شال ءِ تراک ءَ بیران بوتگیں مردمانی کچ 28 ءَ سر بوتگ انت کہ ایشانی تہ ءَ گیشتر گشگ بیت کہ پورس ءِ کارندہ اَنت۔