زُلمانی گندگ ءَ پد من پاکستانی پوج یل داتگ ءُ بلوچ لبریشن آرمی ءَ ھوار بیتگ اَنت – فدائی طیب بلوچ ءِ کلوہ
بلوچ لبریشن آرمی ءِ میڈیا پتر ھکل ءَ آپریشن ھیروپ ءَ ھواریں طیب بلوچ پنام ءِ لالا ءِ گڈی کلوہ شنگ کتگ-
تامربند ءِ بندات فدائی طیب بلوچ کلات ءِ ھند اسکلکو ءَ پاکستانی پوج ءِ سر ءَ اُرش ءُ دستیگی ءِ وھد پیش دارگ بیت اِنت کہ اود ءَ پوجی سلاہ ءُ ساز ءُ ساماناں دستیگ کنگ ءِ ھواری ءَ باج بری ءِ نشانی دیگ ءَ گندگ بیت اِنت-
تامربند ءَ فدائی طیب بلوچ گوش ایت درستاں پیش من وتی شھیداں سھریں سلام پیش کن آں کہ آیاں وت ءَ اے سرڈگار ءُ بلوچ راج ءِ واستا کربان کتگ مروچی من شمئے دیم ءَ یک مکسدے ءَ اتکگ اَنت آ مکسد ایش اِنت کہ یک ناپاکیں ریاستے کہ ھپتاد ءُ پنچ سالاں مئے سرڈگارے زیردست کتگ – اے زیردستی ءَ وتی زمین ءَ پچگرگ ءِ ھاتر ءَ مارا اے سلاہ ءِ چست کنگ ءَ لاچار کتگ- مئے ھم زند بیتگ- یک لوگے یک دنیاے ءُ واھشت بیتگ اَنت ، ما وتی واھشت کربان کتگ اد ءَ اتکگ اِنت آ مئے کماشاں، ورنایاں چست کنت ٹارچر سیلاں بر اَنت مروچی دشمن اے کچ ءَ سر بیتگ کہ دگانی سر ءَ مئے زالبولاں کمشرپ کنگ اِنت آیانی ننگ ءَ لگتمال کنگ اِنت آیانی گداں چِکگ ءَ اِنت مروچی ھمے زُلمانی ھلاپ ءَ ما چِست بیتگ اِنت-
آئی ءَ گوشتگ من وتی ورنایاں اے گوشگ لوٹ آں کہ اے جنگ شمئے جنگ اِنت اے فدائی ءِ پیسلہ کتگ کسے ءِ سر ءَ اھسان نہ کتگ بلکیں منی سر ءَ ماتین ڈگار ءِ وام بیتگ اَنت کہ من ایشاں دیگ ءَ آں من اگاں کربانی دیگ ءَ آں ناکہ من وتی کھول ناکہ راج ءِ سر ءَ اھسان کنگ ءَ آں ھرکس کیت وتی بھر ءِ جنگ ءَ کنت اِنت، ھرکس کیت وتی پرز ءَ پیلو کنت اِنت – کس دگرے راجی واماں دات نی کنت-، نا برات، بلوچ راج ءِ کجام پرد کسے ءِ واماں دات نہ کنت ھرکس کیت وتی وتی بھر ءَ ھوارین ایت-
آئی ءَ گوشتگ ایشی ءَ پیش من اے ناپاکیں ریاست ءِ ناپاکیں پوج (ایف سی) ءِ توک ءَ شش سال ءَ نوکری کتگ- اے شش سالانی توک ءَ من کجام رنگ ءَ دیستگ کہ آ کجام رنگ ءَ بلوچانی سر ءَ نپرت کن اَنت چتور بلوچانی لوگاں پُتر اَنت ءُ مات ءُ گوھارانی ازت ءَ درگان درگان کن اَنت براتاں گاڑیاں ھما ڈول ءَ چگل دے اَنت گوشگ ءَ رسترے چگل دیگ ءَ اَنت منی چمانی دیم ءَ اے دابیں چیز بیتگ اَنت-
آئی ءَ گوشتگ من وھدیکہ سرپد بیتگ آں اے راہ ءَ یل کتگ ءُ بلوچ راجی جھد ءِ راہ گپتگ منی نپرت ھما روچ ءَ گیش بیتگ کہ مند بلو ءَ بلوچ ( کیچ) بلوچ آباد ءَ یک لوگے ءَ پترتگ ءُ یک ورنایے چِست کتگ ءُ گاڑی ءَ چگل داتگ ھما ورنا ءِ مات آئی ءِ پشت ءَ اتکگ ءُ اے زالبول پوجی کارمنداں یک سک جتگ ءُ دور داتگ من ھمے زالبول ءِ چست کنگ ءَ شتگ اَنت گڑا من ءَ آئی ءَ یک جستے کتگ “ تو بلوچے ئے”؟
منی گور ءَ آئی ءِ ھچ پسو نہ بیتگ دومی رند ءَ پد ءَ جستے کتگ “ تو بلوچے ئے؟” من پسو داتگ ھو گڑا ھما مات ءَ من ءَ گشتگ تو چونین بلوچے ئے وتی لوگاں پترے اے ناپاکہں ریاست ءِ ھمراھے اے مات ءِ پسو دیگ ءَ من وتی راجی لشکر بی ایل اے ءَ ھوار بیتگ اَنت بی ایل اے ءِ ھمراھانی ھمراہ بوگ ءَ پد من بی ایل اے مجید برگیڈ ءَ وتی بھر پیش کتگ، من پاکستان، پنجاپیاں ھمے گوشگ لوٹ آں گوست منی ناسرپدی بیتگ شما من ءَ وتی ھمراھی ءَ برتگ گوں مروچی من سرپد بوتگ آں ءُ اتکگ ءُ وتی راجی پوج بی ایل اے ءِ بھراں ءُ شمارا ھنچیں پسوھے دے آں-
مئے مات ءُ گوھاراں وارس ھست انت- اے من پنجاپی ءُ آئی ءِ ھمکاراں گوشگ لوٹ آں کہ ھرچی پنجاپی ءِ دلاری ءَ کنگ ءَ اِنت چاریگری ءَ کنگ ءَ اِنت آ درستاں گوشگ لوٹ آں شمارا یک ترندیں پسوے دے ایں آ ماتانی گشانی چکگ، گوھارانی گدانی درگ ءُ آیانی ننگ ءُ ناموس ءَ لگتمال کنگ ءِ پژدر ءَ شمارا پسو دیوک کاینت اِنت- مروچی من اگاں روگ ءَ آں باندا دگہ یک ورنایے کیت منی توپک ءَ چِست کنت اِنت-
گڈسر ءَ فدائی طیب بلوچ گوش ایت منی گڈی کلوہ وتی لوگ ءِ مردمانی واستا اچ من پد پریشان مہ بہ ئے، اے کاروان ھمے ڈول ءَ جنزان کنت اِنت،فدائی ریھان جان، فدائی عمر جان( سربلند) استاد (اسلم) ءُ دگہ ھمراہ کربان بیتگ انت نی مارا اے راہ ءَ روگی اِنت من وتی جھدکاریں ھمراھاں ھمے گوشگ لوٹ آں – نی اے کاروان شمئے کوپگان اِنت اے کاروان ءَ دیم برگ شمئے کار اِنت اے راج ءِ پھریزگ شمئے کار اِنت ، مات ءُ گوھارانی پھریزگ ءِ شمئے کوپگان اِنت – اچ مارا پد اے کاروان ءَ ھمے ڈول ءَ دیم ءَ بہ بر اِت وتی شھری سنگتاں ھمے گوشگ لوٹ آں ھما رنگ ءَ ما شما سنگت بوتگ اِنت ما شما یکجاہ بوتگ اِنت نی بیا اِت اد ءَ وتی سرزمین ءِ ھک ءَ راجی ھک ءَ پیلو بہ کن ات-
زانگ بہ بیت بلوچ لبریشن آرمی ءِ آپریشن ھیروپ ءِ وھد ءَ بی ایل اے مجید برگیڈ ءِ فدائی طیب بلوچ پنام ءِ لالا ءَ بیلہ ءَ پاکستانی پوج ءِ ھیڈ کوارٹرز وتی ھمراھانی ھواری ءَ نشانگ کتگ ءُ بیست اداراں داں بنجل دستیگی ءَ کتگ-