بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں چاردہ ستمبر ءِ بیگاہ ءِ شش ءَ آواران بازار ءَ برجاھیں پاکستانی پوج ءِ ٹوھیں بنجل ءِ سر ءَ دو نیمگ ءَ گوں نوکین ءُ ٹوھیں سلاھاں اُرش کُرتگ۔ اُرش داں بیست دمان ءَ برجاہ بیتگ کہ چہ ایشی ءَ دژمن ءِ چار کارمند مُرتگ ءُ سَے زدگ بیتگ اَنت۔
جارکش ءَ گْوشتگ کہ بی ایل ایف ءِ سرمچاراں گل ءِ انٹلیجنس ونگ ءَ ھال داتگ کہ آواران ہیڈ کوارٹر ءِ نوک اتکگیں پوجی سروگان بریگیڈیئر حسن مھدی گوں وتی آدگہ ھمراھاں ڈپٹی کمانڈنٹ گنپر علی، ونگ کمانڈر 109 کرنل عدیل،کرنل منیب ءُ آدگہ سروگان بُنجل ءَ ساڑی اَنت۔
جارکش ءَ گْوشتگ کہ سرمچارانی اھوتی ٹولی ءُ اسپیشل ٹولی ءِ ھمراھی ءَ ھما وھد ءَ اُرش کُرتگ وھدے کہ پوجی سروگان گوں وتی کارمنداں کرکٹ گوازی کنگ ءَ دلگوش بیتگ اَنت۔ اُرش ءَ دژمن ءِ چار کارمند مُرتگ ءُ سَے زدگ بیتگ اَنت۔
جارکش ءَ گْوشتگ کہ دوھمی اُرش پانزدہ ستمبر ءِ سُھب ءِ ھشت ءُ چل ءُ پنچ ءَ بیتگ،وھدے کہ آواران مشکے دگ ءِ کار ءِ سر ءَ کاریانی پھازگ ءَ ساڑی بیتگیں دو کارمندانی سر ءَ سرمچاراں گوں نوکین ءُ ٹوھیں سلاھاں اُرش کُرتگ کہ چہ ایشی ءَ یک کارمندے مُرتگ ءُ یکے سک زدگ بیتگ۔
جارکش ءَ گْوشتگ آواران ٹوھیں بنجل ءِ بریگیڈیئر حسن مھدی آواران ءُ کش ءُ گْوراں لشکرکشی، بے میاریں مردمانی گسانی سوچگ،منشیات بھاکنگ ءُ کشندہ ٹولی ءِ پرکار کنگ ءُ لس کارمنداں گوں جتائیں ھیلہ ءُ بیھاراں بلوچ راجی آجوئی ءِ بگیری ءَ کارمرد کنگ ءَ ھوار اِنت، چیزے روچ ءَ پیش آواران ءَ جنین دزگیر کنگ بیتگ اَنت، پرمان ھمے سروگان ءَ داتگ۔
جارکش ءَ گْوشتگ کہ اُرش ءَ پد پروش وارتگیں دژمن ءَ سرجمیں شھر ءِ راہ ءُ در بستگ اَنت ءُ کَس ءَ پہ روگ ءُ آھگ ءَ نیشتگ، اے میان ءَ پوج ءَ مردم انِگر کُرتگ ءُ زوراکی ءِ نشانگ کُرتگ اَنت۔
آئی ءَ گْوشتگ کہ ما ھما دُرسیں مردماں کڈن کن ایں کہ آ پوج ءِ بنجل ءِ روگ ءُ آھگ ءَ بند بہ کن اَنت ءُ پوج ءِ گْوشگ ءِ پد ءَ بلوچ راجی زْرمبشت ءِ بگیری ءَ کار کنگ ءُ سرمچارانی سُر ءُ پرانی چارگ ءَ پھریز بہ کن اَنت اگاں نہ گوں آیاں ھما وڑ کنگ بیت کہ گوں دژمن ءَ کنگ بیگ ءَ اِنت۔
جارکش ءَ گْوشتگ بی ایل ایف راجی گلے کہ آئی ءِ زور ءُ توان بلوچ راج اِنت، بی ایل ایف ءِ مول ءُ مراد آجو ءُ وشھالیں بلوچستان اِنت کہ بلوچ راج ءِ کمک ءَ بوت کنت۔ بلوچ راج وتی دُرسیں زور ءَ بی ایل ایف ءِ مھکم کنگ ءَ بہ دنت کہ ھمیشے ءِ تہ ءَ راجی گھتری ءِ راز اندیم اِنت۔
میجر گْوھرام ءَ گوشتگ کہ بلوچستان لبریشن فرنٹ اے اُرشانی زمہ واری ءَ منّ ایت ءُ داں بلوچستان ءِ آجوئی ءَ دژمن ءَ گوں ترندی ءَ نشانگ۔