رملچہ: ائید
هسابجار
دی بلوچستان پوسٹ
هو ! مرچی ائید انت ءُ من ،
ماں پناگیری بُنجلُے نالاں پہ وتی ڈیھ ءَ
سمی ءُ سیما پہ بیگواهاں
برے هزاراں میل پند بُرّان انت
برے نند انت ماں ننداکاں شُد هڑتالی
برے گِرّان روپ دست ء دُژمن ءِ دزگُلیں جنینیں سپاهیگاں
برے مهرنگ ءَ کوکار انت گوں واجہ شاجی ءَ
برے گلزار انت شپاد ءَ مان دیان مان ارس ءُ هونانی هار کرتگیں کوراں
گوں ترانبلیں پاداں
اے روچ مہ گند کہ سردر انت مرچی ءُ من زهیرگ پہ وتی ڈیھ ءَ
اے دُرست همے ائید ءِ داتگیں داد انت
کہ پاکستان ءَ پہ همے ائید ءُ اسلام ءَ
رد دات انت منی پیریں کہ هوری ءَ ائید وشتر بیت
روچ ءِ هما روچ ءَ نزاناں ائید چے ءُ هوری گُش انت چی ءَ ؟