ندر پہ مُومنّیں حنیف ءَ
معراج لعل
دی بلوچستان پوسٹ
دز نہ اُوشتیں واھشے تو سَرچِتیں
ھڑ کُتیں زمانگے پہ واھگے
ماڈیانی دُروشُم ءَ
ھبر کُتیں گوں موسماں
گپ مہ زُرتیں اِچ کسی ھوبادگیں
بلکیں گوستاں چاریں روچ پہ آجوئی
نوں دل زر اِیت پہ نیادے ءَ
یک مگرب ءُ بیگاھے ءَ
کُوش ءِ سارتیں شیکگ ءَ
کے رنگ دنت نوں رُولہ آں
ابیدکیں کوٹی ءَ تئی
نہ مانیت مرچاں اِچ دگا
ابید کوّنیں عکسے ءَ
کہ
تئی ھستی ءِ شاھد اِنت