روکپتی بلوچستان: دو جتا جتائیں جاھاں دگ ءِ وئیلاں 55 مردم بیران ءُ زدگ

روکپتی بلوچستان ءِ دو جتا جتائیں جاھاں کساس پنجاہ ءُ پنچ مردم دگ ءِ وئیل ءِ آماچ بیتگ اَنت ءُ چریشی ءَ چل ءُ یک مردم زدگ بیتگ اَنت-

سر بیتگیں ھالانی رد ءَ گوستگیں شپ ءَ روکپتی بلوچستان ءِ دمگ ایرانشھر ءَ یک مساپر بریں کوچے وئیل ءِ آماچ بیتگ کہ چریشی ءِ سبب ءَ سَے مردم بیران ءُ چل زدگ بیتگ اَنت-

ایرانشھر ءِ پری ھاسپٹل ایمرجنسی ڈیپارٹمنٹ ءِ سروک ءُ ایرانشھر یونیورسٹی آف میڈیکل سائنسز ءِ ایمرجنسی ءِ مینیجر ایراندگانی ءَ گوشتگ کہ ایرانشھر ءَ دیم پہ نیکشھر ءَ روکیں مساپر برین کوچ بزپیران ءِ اسٹیشن ءِ نزیک ءَ کلٹی بیتگ ءُ چریشی ءِ سبب ءُ سَے مردم بیران ءُ چِل مردم زدگ بیتگ اَنت-

آئی ءَ گوشتگ کہ اے وئیل ءَ زدگ بوتگیں مردمانی چست کنگ ءِ ھاتر ءُ یازدہ ایمبولینس دیم دیگ ءُ زدگ بیتگیں مردم ایرانشھر ءَ خاتم الانبیاء ھسپتال ءَ آرگ بیتگ اَنت-

ایشی ءَ ابید یک دگہ وئیلے ءَ دو گاڑیانی ٹکر ورگ ءَ یازدہ مردم بیران ءُ یکے زدگ بیتگ-

ھالانی رد ءَ روکپتی بلوچستان ءِ بنجاھی شھر زاھدان ءَ دو گاڑیاں ٹکر وارتگ ءُ چریشی ءَ یازدہ مردم ھما جاہ ءُ بیران ءُ یکے زدگ بیتگ-

زانگ بہ بیت ایران ءَ نوکیں سال پہ مھلوک ءَ ھم اجلے ءَ گوں بندات بیتگ کہ چریشی ءَ مردمانی موکل ءَ مھلوک وتی پھریز ءَ چہ نادلگوش بیت اِنت-