جنگ ءُ گُڈی گام – سراج بلوچ

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

جنگ ءُ گُڈی گام

نبشتہ کار: سراج بلوچ

دی بلوچستان پوسٹ

ھپتاد سال ءِ جنگ ھلاس اَت یک نوکیں سُھب ئے اَت یک نوکیں روچے زمین ءِ سر ءَ ھلوت کنگ ءَ اَت۔ زمین ھزاراں چُکانی ھوں ورگ ءَ پد مرچی آزات اَت ۔ چہ کوھاں جنگی سپاھی واتر وتی پیداک ءَ ات انت ھمے سپاھیانی تہ ءَ رگام ھوں گون اَت کہ دہ سال ءِ بوتگ اَت کہ کوہ ءَ اَت۔گوارے گودے دیرتگ ءَ ات انت ریش دلبند ءَ سرے مُود چہ کُپگ ءَ گوستگءَ ات انت گون چوٹیں چوٹان ئے پاد گیران ءَ ات انت بلےانگت ءَ رگام روگ ءَ اَت نازان ءَ پہ کہ چو اِشتاپی اَت۔

رگام ساھتے جل چوٹاں تئی پاد وارتگ اَنت ءُ ھون اَنت ۔ رگام سرپد نہ ات کہ پاد ھون اِنت وھدے کہ آئی ءَ وتی پاد چاریت اَنت ساھتے ءَ ھاموشی ءَ پد گُشت ئِے سپر دور اِنت۔ آ در کپت من اولی رند ءَ سرپد بوت اَنت کہ رگام منزل ءِ شوھاز ءَ در کپت ءَ من پدا ہچ نہ گُشت ئِے پُشت ءَ روان بوت اں۔

سپر گام جنان اَت کوہ زمین آسمان کیشک سرجم ءَ آزات ات انت ھچ سیمسر نیست اَت من سک گل ءَ ات انت دل ءَ گُشت کُکار بکنت گوں درچک ءُ داراں ھبر کن ءُ سوت ءُ نازینک بجن بلے رگام ءِ پاد اے ھون ءَ منی زبان داشتّگ اَت آئے ھون منی واھگاں کُشگ ءَ ات انت گون ھمے جیڑگ رگام اُشتات رگام جل ءِ دم ئِے بلا برین رگام ءَ پسو نہ دات من کہ چم چست کُت اَنت چاراں لھتے لوگ اَنت کہ سُتکگ اَنت انسانی جونانی ھڈ کپتگ ءَ ات انت لگوراں ھلک سُتکگ ءَ ءُ مردم کُشتگ ءُ دور داتگ اَنت ءُ مال ءُ دلوت گوں وت برتگ اتاں ساھتے اُشتگ ءَ پد رگام تچگ ءَ لگ اِت ئِے پاد ءِ ھون نو ترنینزگ ءَ ئِے بڈ ءِ وتاس کہ دہ سال وَت ئِے ھمراہ اَت نو پہ رگام ءَ یک بوجے اَت۔ گوں درتگیں پوچاں ءُ گرانیں وتاس ءُ کتار ءُ نیزوریں چوٹان ءِ ڈل ئِے تہ ءَ انچو تچگ ءَ اَت کہ مرگ ءُ زند ءِ سودا اَت انچو سما بوت رگام نو گَنوک اِنت۔ آ کیشک کہ من ءُ رگام روگ ءَ ات اَنت آ کیشک ءِ اُکین ھَمک ھلک بون داتگ اَت ءُ مردم کُشتگ ءَ ات انت روچ نو گُڈّی واب جاہ ءَ سر اِنت رگام گوں من نو روگ نا بیت تھاری نو مانشان اتگ شپی ھمدا جل اِنت رگام ءَ دل ءَ نیات بلے گُشت ئِے شر۔ روچ گار ءُ بیگواہ بوت تھاری ءَ اِستال چہ واب ءَ پاد کُت اَنت ءُ زمین سرجمیں روچ ءِ تر ءُ تاب ءَ پد نو واب کپگ ءَ اَت۔ رگام وتی چوٹ در کُت اَنت ئِے پاد تل اَت بلے گندگ ءَ رگال ءَ سودے پر نیستگ اَت۔ رگام ترا درد نہ بیت اِنت کندیت ئِے ءُ گُشت ئِے چو من ساھدارے آں درد الم بیت گُڑا آ وھد ءَ تئی ٹپ نیزور ءَ ات انت تو پرچہ ءَ نہ اُشتات ءِ رگام سر جل کُت ساھتے پد گُشت ئِے ۔ دہ سال بیت کہ من لوگ یل داتگ ءُ جنگ ءَ آواران ءِ دھیں سالانی تہ ءَ یک رندے ءُ لوگ نہ دیستگ۔ تو زان ئے من ءَ مات ءِ ھو ھست اِنت من ءَ ساھتے نہ بیت ءِ مُدام جی ءُ جان ءِ کُت مات من ءَ سک دوست ءَ ۔دہ سال نو گواستگ بریں آ زندگ اِنت یا مُرت ءَ بلے آ روچ ءَ کہ من لوگ ءَ یل کنگ ءَ ات انت من گُشت من واتر من منی وادار ءَ بہ کن رگام بچکندگ ءَ اَت من ءَ کُچک ءِ ھو ھست اَت نام ءَ اَت کالو ھُدائی گنوکے اَت مودام منی سر ءَ وکک ایت ءِ ءُ من پد ءَ مُدام گُشت تو گَنوک ءِ منی سر ءَ وکک ءِ شپی ترا نان ندیان گُژن ءِ لاپ بوپس من کہ نان ءِ نام گیت سرے جل کُتب ءُ ھاموش بوت من ءَ سنگت ءِ ھو ھست اَت بازار ءِ جلوانکتریں جنک اَت منی سر ءَ پسی اتگ اَت رگام ءَ ٹک دات بلے من ءَ ھو سک دوست اَت من ءَ گُشت ءِ گون من سور کن من دُنیا ءُ جھان ءِ واب دیستگ اَنت گون تئی ھمراھی ءَ تو زان ئے من پسو نہ دات بلے آ روچ ءَ کہ من جنگ ءَ روگ ءَ ات انت دل ءَ گُشت رزا ءِ بدے بلے نازان ءَ پرچہ منی پادائے لوگ ءِ دیوان ءَ شُت اَنت ۔نو دہ سال گوستگ باریں چون اِنت سورے کُتگ یا نا ؟ تو چی گوش ئے منی ودار ءَ کن؟ نازان ءَ اے دھیں سالانی تہ ءَ من ءَ منی میتگ سک گیر اتکگ گوں سنگتاں لیب ءُ گوازی نیم شپ ءَ گوں دوست ءَ گپ ءُ تران پت ءِ ھبر کالو ءِ وکگ رگام ءِ آواز جل بوان اَت انچو سما بوت گیلوتگی اں گیتگ من شر زان ءَ کہ جنگ ءَ چہ من چے بُرتگ تو زانے من آ سُتکگیں میتگ ءَ پرچہ اُشتت ءَ من کہ آ میتگ دیست من ءَ وتی میتگ گیر اتک باریں زالماناں چون کُتگ منی میتگ رگام ءِ چم ءِ ارس گُڈّی ءَ ریتک اَنت من ءَ انچو سما بوت کہ منی دست ءُ پاد بستگ اَنت من تسلائے ھو دات نہ کت ئے پاد ءِ ھون من ءَ دوست بوہگ ءَ ات نت نو من ھو اِشتاپی بوت اَنت کہ رگام ءِ میتگ ءَ بیگنداں رگام بیا درکپیں تہ ءَ سھب ءَ من تو میتگ ءَ سر باں دل ءَ مزن کن ھُدا بادشاھے-

ماہ درکپتیں اے تھاریں شپ ءَ ماہ ڈل ءُ ڈوکانی تہ ءَ ھڈان کپاں دیم ءَ رو اَنت ءُ دل ءَ ھمے اُمیت داشتگ ءَ کہ بازار سلامت بیت رگام گپی نیات ءُ نہ کہ من روچ نوکی درایگ ءَ اَت رگام ءِ پاداں جواب داتگ اَت کہ گون من نو دیم ءَ روگ نبی من ءَ بکش ءُ کوہ ءَ آ دیم رگام ءِ میتگ اَت کوہ مزن اَت رگام ءَ شُت کُت نا کُت گیران اَت گُڈُی ءَ کہ رگام ءَ وتی اِمت دور دات من ءَ گُشتے برو بازار ءَ ھال ءِ بگر من اچ نا گُشت ءُ کوہ ءَ لیکپگ ءَ لگیت اَنت نیم راہ ءِ روگ ءَ پد رگام ءَ آواز دات من ءَ بُرت نکن ئے؟ من نیزور ءَ ات انت گوں من رگام ءِ جون زورگ نہ بوت من پسو دات کہ من رواں میتگ ءَ چے مردم کاراں رگام ءَ ھچ نہ گُشت من در کپت اں من امینچو دیم ءَ روان اتاں منی دل نیزور بوان اَت من دل ءَ جیڑگ ءَ اتاں اگاں رگام ءِ بازار سُتکگ گُڑا من رگام ءَ چے جواب بہ دے آں من جواب دات کناں یا ناں گون من دیما نو روگ بوگ ءَ نہ اَت پاد لرزگ ءَ ات نت چم برے چے گیند انت گُڈّی گام ءُ پد ءَ رگام ءِ بازارگندگ بیت پا من اے گام ءِ جنگ سک گران اَت گوات بند بوت آسمان جمبراں اندیم کُت روچ انگت گار ءُ بیگواہ اَت گُڈّی گام پہ من نو مرگ ءُ زند ءِ سودا اَت بلے پہ رگام ءَ اےگام من ءَ جنگی اَت۔

من چم بند کُت اَنت ءُ گام جت من کہ چم پچ کُت اَنت چم چہ ارس ءَ پھر بوت اَنت ءُ دل ءَ آہ کُت کہ دریگتیں رگام تو جنگ ءَ مہ مرتینے ۔


دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

نوکتریں

بلوچستان: یک مردمے زورانسری آوار جنی ءَ پد بیگواہ

سربوتگیں ھالانی رِد ءَ پاکستان ءِ پھازگی لشکر ءَ یک مردمے زورانسری آوار جتگ ءُ بیگواہ کتگ -

عبدالمالک ءِ کُشندھانی یل بوگ پدردی اِنت – کھول

عبدالمالک ءِ کھول ءَ رسانکدراں وتی شنگ کرتگیں درشان ءِ تہ ءَ گوشتگ کہ کتکاراں دوھزار بیست ءُ دو ءِ بیست ءُ...

زورانسری آوار جنیانی بگیری ءَ کراچی ءَ زھرشانی برجاہ

بیگواھیں مردمانی پانکجنیں گل وائس فار بلوچ مسنگ پرسنز ءِ زھرشانی برجاہ، زھرشانی ءَ مروچی چار ھزار ءُ نُھ سد ءُ سِی...

ڈیرہ بگٹی ءَ شُد ءِ سوب ءَ سینزدہ سالی ورنا ءَ وتکشی کُتگ

ڈیرہ بگٹی ءِ دمگ سوئی ءَ سینزدہ سالی شُدیکیں ورنایے ءَ ھُشکیں نان ءِ نہ رسگ ءِ سوب ءَ وتی گُٹ وت...