کنت بَڈّ ءَ توکل ءَ
شائر: آبدرھشون
دی بلوچستان پوسٹ
کنت بَڈّ ءَ توکل ءَ گوں آپدانے ، توپکے
ماں ھشیماں الگریناں ڈیھپانے ، توپکے
دیدگانی ارسے ءَ مئے اے ندارہ زاھر اِنت
گِس گِس اِنت پُر ، ستکگ ءُ سیاھیں گِدانے ،توپکے
شکّلیں جنگانی مَلّیں سرمَچَنڈ ءِ باھڑاں
پاپ پِٹّوکیں پَشنگے ، شورھدانے ، توپکے
ما مسام ءُ اَھد بست پہ سرڈگار ءِ موکگ ءَ
ما پہ ڈیھ ءِ گُڈّی جنگ ءَ زُرت پہ شانے، توپکے
کِشک پاداں مان پتاتگ تاجگیں گوں ترانگاں
زَپتیں گیر ءِ ساھتاں گوں کنت تْرانے ، توپکے
چہ شپانی اندر ءَ بام رُژن شَھمیت سرشماں
بیرک ءَ گوں سَنج بندیت تیرکمانے ، توپکے
منگھاں گوں انکلابے جنزگ ءَ اِنت منزل ءَ
دے مَتاھے مارا رھشؔون بس نشانے ، توپکے