روکپتی بلوچستان: سبزوار ءِ زندان ءَ یک بلوچے پاھو دیگ بیتگ

سر بیتگیں ھالانی رد ءَ روکپتی بلوچستان ءَ ایرانی آمیدگس ءِ پرمان ءَ یک بندیں بلوچے پاھو دیگ بیتگ –

ھالانی تہ ءَ گوشگ بیتگ روکپتی بلوچستان ءِ دمگ ھیرآباد بیرجند ءِ جھمنندیں اھمد نھتانی ء مولوی شیراھمد گوستگیں روچ ءَ ایرانی آمیدگس ءِ پرمان ءَ سبزوار ءِ زندان ءَ پاھو دیگ بیتگ –

اھمد نھتانی سَے سال ءَ پیسر سبزوار ءَ ما نشہ ءِ بھتام ءَ گرگ بیتگ ءُ چریشی ءَ پد آئی ءَ اے سَے سال ءِ دراجیں مُدت ءِ گوازینگ ءَ پد گوستگیں روچ ءَ آئی ءِ گڈی روچ نامینگ بیت –

اھمد نھتانی روکپتی بلوچستان ءِ دمگ ھیر آباد بیرجند ءِ جھمنند اِنت ءُ گوستگیں دو روچاں پیسر آئی ءِ کھول ءِ مردم ماں سبز وار ءِ زندان ءَ گڈی گِندوک ءَ شتگ بیتگ اَنت –

روکپتی بلوچستان ءَ بلوچانی پاھو دیگ یکشل ءَ برجاہ اَنت ءُ ایرانی ھمے سال ءِ بندات ءَ داں انیگ ءُ 63 سَے مردم پاھو دیگ بیتگ اَنت کہ آیانی سر ءَ جتا جتائیں بھتام بیتگ اَنت –