TBP Balochi

انڈونیشیا ءَ ایلون مسک ءِ کمپنی اسپیس ایکس ءِ کمک ءَ چہ وتی اولی سرکاری انٹرنیٹ سیٹلائٹ دیم ءَ آورتگ-

درملکی ھال کنوکیں ادارہ ءِ رد ءَ انڈونیشیا ءُ وتی ڈیھ ءِ دور ءُ دراجیں ھنداں انٹرنیٹ ءِ سرکنگ ءِ ھاتر ءَ امریکہ ءِ سرڈگار ءِ سر ءَ وتی اولی سرکاری انٹرنیٹ سیٹلائٹ دیم ءَ آورتگ-

زانگ بہ بیت ھبدہ ھزار ءَ ھواریں جزائریں ڈیھ انڈونیشیا ءِ دور ءُ دراجیں.ھنداں نندوکیں مردماں یک ءُ نیم کساس ءَ گیش نندوکیں مردمانی گور ءَ انٹرنیٹ نہ بیتگ SATRIA سیٹلائٹ ءَ فلوریڈا ءِ لانچ بوگ ءَ ھنچش بال داتگ کہ ھما رنگ ءَ اسپیس ایکس –

فیلکن ءَ نُھ راکٹانی کمک ءَ دارگ بیتگ ءُ اء سیٹلائٹ ءَ فرانسیسی پھریزی الیکٹرانکس کمپنی تھیلس ءَ جوڑ کرتگ ءُ آئی ءِ تیار کنگ ءُ پنچ سد ءُ چِل ملین ڈالرز لگ اتگ-

انڈونیشیا ءَ اے امیت پدر کرتگ کہ اے سیٹلائٹ ءَ نود ھزار اسکول، چل ھزار ءَ گیش ھسپتال ءُ سرکاری ماڑیاں نزیک کنت اِنت-

انڈونیشیا ءِ سروک جوکو ویدوڈو ءَ وتی انستاگرام ءَ پوسٹ کتگ کہ اے سیٹلائٹ ءَ ایشیا ءِ درستاں تاکت داروک ءُ ڈیھ ءَ اولی سرکاری ملٹی فنکشن سیٹلائٹ نامینتگ – اے سیٹلائٹ سال دوھزار ءُ بیست ءُ چار ءَ آن لائن بوگی اِنت ءُ ایشی ءِ کمک ءَ ھوار بیتگیں کنکشن تیزی یک سد ءُ پنجاہ گیگا بائٹس ءِ یک سیکنڈے بیت اِنت انڈونیشیا ءِ انیگیں سیٹلائٹ انرنیٹ ءِ کساساں سَے درسد گیش بیت اِنت –

بلوچ لبریشن آرمی ءِ جارکشّ جیئند بلوچ ءَ ماں رسانکدر ءَ وتی شنگ کرتگیں درشان ءِ تہ ءَ گوشتگ کہ بلوچ لبریشن آرمی ءِ سرمچاراں گوستگیں شپ ءَ کیچ ءِ دمگ بلیدہ ءَ زورگریں پاکستان ءِ چیردستی ءَ لشکر لیویز ءِ یک پانگسے تباہ کُرتگ ءُ کارندھانی سِلاہ پَچ گِپتگ انت ۔

آئی ءَ گوشتگ کہ سرمچاراں اُرش بُلیدہ ءَ لیویز لشکر ءِ یک پانگسے ءِ سر ءَ کُرتگ ءُ کارندہ دست گیر کُرتگ انت ،آ ھمے پانگس ءِ سر ءَ نِشتگ انت ءُ موٹلاں چہ زر اش گِپتگ ءُ بلوچ مھلوک ءِ بزگ ءُ وار کنگ ءِ تہ ءَ ھوار بوتگ انت وھدیکہ اے پانگس کبزہ گیریں لشکر ءِ سِلاہ بندیں ٹولی ءِ کارندھانی اوتاکے ءِ پیم ءَ کارمرز کنگ بوتگ ۔

جارکشّ ءَ دیمتِرا گُشتگ کہ بی ایل اے ءِ سرمچاراں دمگی مردُم بوگ ءَ چہ لیویز کارندھاناں سر ءُ سوج کنگ ءَ پد یلہ کُرتگ وھدیکہ آیانی سِلاہ پچ گِپتگ انت ءُ پانگس آس داتگ ۔

آئی ءَ گُشتگ کہ بلوچ لبریشن آرمی اے اُرش ءِ زمہ واری ءَ منّیت ۔ کبزہ گیریں پاکستانی لشکر ءِ آسراتی دیوک ءُ بلوچ مَھلوک ءِ سر.ء زُلم کنگ ءَ ھوار بوکیں کارندہ مئے نِشانگ ءَ انت ۔

بلوچستان ءِ بنجاھی شھر شال ءَ پریس کلب ءِ دیم ءَ بیگواھیں مردمانی پانکجنیں گل وائس فار بلوچ مسنگ پرسنز ءِ زھرشانی برجاہ، اے دراجکشیں زھرشانی ءَ مروچی پنچ ھزار ءُ ھشتاد ءُ دو روچ سرجم بوتگ انت –

مروچی چہ مستونگ ءَ سیاسی ءُ چاگردی باسک دوست محمد بلوچ، دولت خان بلوچ، نور محمد بلوچ ءُ دگہ مردماں بنجل ءَ اتکگ ءُ دلپدردی درشان اِتگ –

ھمے وھد ءَ گل ءِ کمک سرکماش ماما قدیر بلوچ ءَ گوشتگ کہ اے دراجیں پند ءِ مول ءُ مراد میان استمان، انسانی ھکانی ادارہ ءُ اقوام متحدہ ءَ ھوار ایندگرانی دیم ءَ پاکستانی راستیگیں دیمے پدر کنگ انت، بلوچانی سر ءَ زورگیریں ریاست ءِ زلم ءُ زوراکیاں جھان ءِ دیم ءَ پیش دارگ انت –

آئی ءِ گوشگ ات کہ پاکستانی راستیں دیم ءُ بلوچانی سر ءَ برجاھیں زوراکی ءُ چکچینیاں جھان سرپد کنگی انت ءُ بلوچ ءِ پُرایمنیں جھد میان استمانی تک ءُ پھناتاں مھکم کنگی انت –

ماما قدیر بلوچ ءَ گوشتگ کہ بلوچستان ءِ نمیرانیں سرانی دیمھونیاں بلوچ جھد ءَ روھے بکش اِتگ اے گوشگ رد نہ بیت کہ جھد ءِ تہ ءَ انکلاب ءِ بندات پھتو کتگ کہ چریشی ءَ پاکستانی ریاست ءَ گبرائینتگ ءُ بلوچستان ءِ تہ ءَ راجکاری چست ءُ ایرانی سر ءَ مدامی ھاتر ءَ بندش جتگ ءُ اشی ءَ ھوار ھوار سدانی کچ ءَ وتگڑیں ءُ نزرویں مردم چہ انکلابی زانشت ءِ زر ءَ یکر کُتگ انت –

بلوچ کلاسیکل گشندہ ملا کمالان ءِ زھگ منصور ھوت ءُ نزام الدین ء لال مھمد ایرانی آمیدگس ءَ چہ پاھو ءِ سزا ءَ چٹ اتگ ءُ مروچی یل بیتگ اَنت-

گیشیں اھوالانی رد ءَ منصور ھوت ء ملا کمالان ءُ نزام ء لال مھمد مروچی ما زاھدان ءِ مزنیں زندان ءَ زمانت ءِ سر ءَ یل کنگ بیتگ اَنت –

ھردوکانی سر ءَ ایرانی آمیدگس ءَ گوست ءَ زمین ءُ ڈیھ ءِ جاورانی ناگیگ کنگ ءِ پژدر ءَ پاھو دیگ ءِ ھکم داتگ بیتگ-

زانگ بہ بیت منصور ھوت گوستگیں سال ءِ دو اکتوبر ءُ نزام سِی ستمبر ءَ ماں چھبار ءَ بلوچ جنک ماھو بلوچ ءِ گون ءَ بیوکیں زوراکی ءِ ھلاپ ءَ بیوکیں زھرشانی ءِ وھد ءَ دزگیر کنگ بیتگ اَنت-

زانگ بہ بیت چریشی ءَ پیش ھژدہ سالی ئیں ورنا شعیب میر بلوچزئی ریکی، کمبیز خروت، ابراھیم ناروی ءُ منصور دھمردہ ھم ایرانی آمیدگس ءَ مرگ ءِ سزا دیگ ءِ ھکم داتگ ات اَنت ءُ چریشی ءَ ایرانی ایمنسٹی انٹرنیشنل ءَ اے ورنایانی مرگ ءِ سزا دیگ ءِ دارگ ءِ کڈنی کتگ ات –

روکپتی بلوچستان ءِ نامی ئیں عالم دین ءُ راجدوست رھشون مولانا عبدالحمید اسماعیل زئی ءِ کوشکاری ءِ ھاتر ءَ چن ءُ لانچ کنوکیں کوشکار ما نودربری ءِ دروشم ءَ دزگیر کنگ بیتگ-

اھولانی رد ءَ اے کوشکار گوستگیں مگرب ءَ دزگیر کنگ بیتگ کہ آ نودربری ءِ پوشاکاں بیتگ ءُ کوشکاری ءِ چن ءُ لانچ ءَ بیتگ-

گوستگیں مگرب ءَ ماں زاھدان ءَ بازیں کچے ءَ مردم مُچ بیتگ اود ءَ مولوی عبدالحمید ءِ کوشکاری ھلاپ ءَ زھرشانی ایش کتگ-

رپورٹ ءِ رد ءَ گرگ بیتگیں کوشکار ءَ اے گپ من اتگ کہ من مولوی عبدلحمید ءِ کُشگ ءَ اتکگ بیتگ اَنت بلے وتی نشانگ ءَ چہ بے سوب بیتگ اَنت-

زانگ بہ بیت مولوی عبدالحمید زاھدان ءِ مزنیں مسیت مکی مسیت ءِ پیش امام ءُ سنی علما ءِ سروک ءُ روکپتی بلوچستان ءَ راجدوستی تکاں یک مزنیں نامے دار ایت اِنت-

آئی ءَ روکپتی بلوچستان ءَ بلوچ مھلوک ءِ ھکانی ھاتر ءُ وتی توار برز کتگ ءُ چہ سرکار ءَ مردمانی ھکانی لوٹگ ءِ توار ءَ پر جنگ ءَ اِنت-

مولوی عبدالحمید بلوچ اسماعیل زئی ایرانی سرکار ءِ وتی لیکھاں ترند دار ایت ءُ چریشی ءِ پژدر ءَ آئی ءَ اے چیزانی دیمپانی کنگ کپگ ءَ اِنت-

سعودی ءِ ولی اھد شھزادہ مھمد بند سلمان ءَ دوشمبے ءِ شپ ءَ پیرس ءَ ایکسپو 2030 ءَ بالی مھمانداری ءِ واستا نامینگ ءِ درگت ءَ سعودی ارب ءِ سرکاری نیاد تلو ءَ بھر مند بیتگ –

بیورو انٹرنیشنل ڈیس ایکسپوزیشنزو کہ آئی ءَ یک دیمدراھی ءِ برجم داشتگ بیتگ ایشی ءِ توک ءَ ھپتاد ءُ نُھ ڈیھانی باسک رھشونی ءِ نیاد ءَ تران کن اَنت-

عرب نیوز ءُ الاخباریہ ءِ رد ءَ اے وش آتکی نیاد ایکسپو ءِ بالی مھمانداری ءِ واستا ڈیھ ءِ نامینگ ءَ یک رھبندکاری ءِ جوانیں بھرے –

ایشی ءِ مول ءُ مراد میان اُستمانی ایونٹ ءِ بالی مھمانداری ءِ واستا ریاض ءَ چن ءُ لانچ ءُ شور بندی کنگی بیتگ اَنت-

زانگ بہ بیت ورلڈ ایکسپو 2030 ءَ بالی مھمانداری ءِ ڈیھ ءِ گچین کنگ ءَ گچینکاری ھمے سال ءِ نومبر ءَ بیت اِنت-

ایکسپو 2030 ءِ بالی مھمانداری ءِ دیمپانی ریاض ءِ گون ءَ کورین سٹی پوسان، یوکرینی شھر ءُ اوڈیسا ءُ اٹلی ھوار بنت اِنت-

ریاض ایکسپو 2030 ءِ واستا یکم اکتوبر 2030 ءَ رمس گچین کنگ بیتگ کہ مار دوھزار ءُ سِی ءُ یک ءَ برجم بیت اِنت-

اے چینی کیلینڈر ءِ نوکیں سال، کرسمس ءُ رمزان ھم آیگ ءَ اَنت ءُ ایشی ءَ ابید ھمے ایکسپو ءِ دیمدراھی ءِ چار ءُ گچین ءَ میان اُستمانی ایجنسی ءِ سدمی سال گشت ھم بیت اِنت-

ایس پی اے ءِ رد ءَ نیادانی مول ءُ مراد ایکسپو ءِ بالی مھمانداری ءِ درگت ءَ ریاض ءَ چن ءُ لانچ بیتگ کہ اسکیمانی ءُ شوربندیانی پجار کنگ بہ بیت اِنت –

وش اھتی ءِ گڈسر ءَ ریاض رائل اتھارٹی نیمگ ءَ کنگ بیتگ ایشی ءِ توک ءُ ولی اھد شھزادہ مھمد بن سلمان اتھاری ءِ سروکی اِنت-

نیاد ءِ وھد ءَ ریاض رائل کمیشن سعودی ءِ بنجاھی شھر ءَ دودمانی ءُ آجو ھیال نامان کنگ بیتگ اَنت ءُ ایشی ءِ ھواری ءَ سیاسی ءُ زرکاری ءِ درگت ءَ ھم سوج ءُ سرپدی آرگ بیتگ اَنت-

ریاض ءِ ماڑی داری ءَ ناوشی ءُ رژن ءِ درگت ءَ ابید ھم اے گوشگ بیتگ ریاض ءَ انفراسٹیکچر مزنیں انٹرنیشنل ایونٹس دارگ بنت ایں-

ایشی ءَ ابید نیاد ءِ وزیٹرانی 2030 ءِ ریاض ءَ ورچوئل سپر ءِ واستا گرگ بیتگ ایشی ءِ بندات سلمان ایئرپورٹ ءَ بیتگ ءُ پد سپورٹ بلیو ارڈ، کنگ سلمان پارک، الدرعیہ گیٹ، القدیہ ءِ وڑیں جاھاں تالان کنگ بیتگ –

ھندوستان ءِ درستاں مستریں ایئرلائن کمپنء انڈی گو ءَ گوشتگ آ فرانسیسی طیارہ ساز کمپنی ایئر بس 500A-320 بالیگ بھاز زیر ایت –

ھندوستان ءِ رسانکدر ءِ رد ءَ انڈی گو ایئربس ءَ 500 بالیگانی بھا زیر کمرشل ایوی ایشن ءِ راجدپتر ءُ درستاں مستریں پرمان کتگ –

انڈی گو ءَ یک درشانے ءَ گوشتگ کہ اے نوکیں آرڈر انڈی گو ءُ ایئربس ءَ نوکیں اسٹریٹیجک ءِ پیدا کنت بے مٹیں جھلانکی ءِ ودی کنت –

انڈین ایئرلائن ءِ رد ءَ تیل ءِ بچینگ ءِ ھاتر ءَ اے 320 نوکیں ایئرکرافٹ آپریشنل ھرچ ءِ کم کنگ ءِ کمک ءَ کنت ءُ اے تیل ءِ بچینگ ءِ مزنیں کچے ءَ پائیداری ءِ گون ءَ بیت اِنت –

انڈی گو ءِ سی ای او پیٹر ایلبرز ءَ گوشتگ کہ ’ انڈی گو 500 ایئربس اے320 فیملہ ایئرکرافٹ ءِ راجدپتری پرمان ءِ پائدگ ءِ درشان کنگ مشکل اِنت – آیوکیں دَہ سالانی کساس ءَ یک ھزار نوکیں بالیگ ءِ پرمان ءِ انڈی گو انڈیا ءَ وتی وتی زرکاری، چاگردی رھوت ءُ روگ ءُ آیگ ءِ مشن ءِ سرجم کت کنت –

آئی ءَ دیمتر ءَ گوشتگ اے پرمان انڈی گو ھندوستان ءِ دیمروئی ءِ بھرداری ءِ راستیں منانکے –

انڈی گو ءَ وتی درشان ءَ گوشتگ مروچی انڈی گو 300 ءَ گیش بالیگ آپریٹ کنگ ءَ اِنت ءُ گوستگیں آرڈرز ءَ آیانی کساس 480 جوڑ بنت – مروچیگ ءَ بہ گر داں انیگیں دھک ءِ گڈسر ءَ ڈیلیور ءَ بیت اِنت – ایشی ءِ ھواری ءَ 2030 ءَ داں 2035 ءِ میان ءَ گیش دگہ 500 ءِ بالیگانی پرمان داتگ –

انڈی گو آرڈر بک ءَ آیوکیں دہ سالاں کساس یک ھزار بالیگ ڈیلیور بنت اِنت انڈی گو اے 320 نیو اے 321 نیو ءُ اے 321 ایل آر ھوار اَنت-

لسبیلہ ءِ بنجاھی دمگ اوتھل ءَ دینی وانگجاہ روح السلام طاہریہ سجن آباد ءَ دل ءُ لاپ نادراھی شنگ بوتگ، چریشی ءِ چِل نودربر دل ءُ لاپ ءَ گپتگ انت –

لسبیلہ ءِ ڈی ایچ اوعبدالحمید بلوچ ءَ ٹولی ءِ برجم کتگ ءُ روح السلامیہ وانگ جاہ ءَ وت ءَ سرکتگ –

اود ءَ سر بوگ ءَ اے ٹیم ءَ نودربرانی الاج بندات کتگ- آھانی رِد ءَ وانگ جاہ ءِ تہ ءَ دل ءُ لاپ نادراھی ءِ گر ءُ دار بوتگ –

ھمے وھد ءَ ڈی ایچ او عبدالحمید بلوچ ءَ اھوالکاراں گوں تران کنان ءَ گوشتگ کہ مارا ھال سر بوتگ کہ لاکھڑا دگ ءَ برجاھیں دینی وانگ جاہ روح السلام طاہریہ ءَ نودربر دل ءُ لاپ ءِ نادراھی ءِ آماچ انت گڑا ھما دمان ءَ ٹولی ءِ جوڈ کتگ ءُ وت ءَ سر کتگ کہ اودا سربوگ ءَ الاج بندات کتگ، ھاوند ءِ پزل ءُ کرم ءَ نادراھی ءِ گر ءُ دار کنگ بوتگ، ھچ وڑیں ترس ءِ گپ نیست –