بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ مئے سرمچاراں تمپ ءُ ڈھاڈر ءَ دو جتاجتائیں کاروائیاں زورگریں پاکستانی ءِ چاریگ کشتگ ءُ بُنجاھی شھدگ دستیگ بازیں کلاکاں چہ دستیگ کتگ-
جارکش ءَ گْوشتگ کہ بی ایل اے ءِ سرمچاراں گوستگیں شپ ءَ کیچ ءِ دمگ تمپ ، ملک آباد ءَ زورگریں پاکستانی پوج ءُ چیریں ادارھانی جوڑ کتگیں وتگڑیں ڈیتھ اسکواڈ ءِ کارندہ زبیر عابد آئی ءِ اوتاک سر ءَ بیڑبرتگ کشتگ – سرمچاراں چاریگ ءِ سلاہ، پرپٹ ءُ دگہ سامان وتی دستیگ کتگ اَنت-
جارکش ءَ گْوشتگ کہ کارندہ زبیر عابد ءُ آئی ءِ برات سعید عابد زورگریں پاکستانی پوج ءِ چیردستی ءَ یک سلاہ بندیں ٹولی یے سروکی کنگ ءَ بیتگ- اے ٹولی تمپ، دازن ، گومازی ءُ کش گوراں ورنایانی تیرانی نشانگ کنگ ، لوگانی سر ءَ بیڑاں زورگریں پوج ءِ کمکاری ءُ راھانی سر ءَ ناکہ بندی ءَ تچکی ءَ ھوار بیتگ اَنت-
جارکش ءَ گوشتگ کہ چاریگ زبیر عابد ءُ آئی ءِ ٹولی زالبولاں چمپروشی کنگ زورگریں پوج ءِ واستا چاریگی ءُ چاگردی سلّکاریاں ھمگرنچ بیتگ، وھدے کہ بلوچ چُکچینی پُرکاری ءِ بدل ءَ دُژمنیں پوج ءَ اے ٹولی دمگ ءَ دُزی ، منشیات پروشی ءُ ناکھانی سر ءَ زرگ گرگ ءَ بے لگام کتگ اَنت-
جارکش ءَ گْوشتگ کہ بلوچ لبریشن آرمی ءِ سرمچاراں گوستگیں شپ ءَ ڈھاڈر نزیک ءَ گنداوہ بُنجاھی شھدگ سر ءَ سے کلاکاں تاں ناکہ بندی ءُ شھدگ دستیگ کتگ – سرمچاراں ناکہ بندی ءِ میان ءَ گاڑیانی پٹ ءُ پول کتگ-
درشان ءِ گُڈی ءَ گوشتگ کہ بلوچ لبریشن آرمی اے کاروائیانی زمہ واری ءَ منّ اِیت-
