” شہید راشد دوست “
نبشتہ کار: نوہان نور بلوچ
دی بلوچستان پوسٹ – بلوچی
دگنیا ءِ توک ءٙ ھزاراں انسان ودی بنت کہ آ وتی زاتی واھشتاں کُش آں ءُ وتار ءَ تاریک ءِ توک ءٙ زندگ کن اَنت ءُ تاریک ءِ توک ءَ انسان وتسرا وت زندگ نہ بیت بلکن ءٙ ھنچین کرد ءِ ادا کَنت کہ آ تاں ابدی نمیران بیت۔
ہمے نمیران ءِ ءُ عظیمیں انسانانی توک ءٙ یک عظیمیں ءُ نمیرانیں سنگت شہید راشد دوست اِنت۔ شہید راشد دوست 4 جولاہی 1993 ضلع خضدار ءِ علاقہ گریشہ تاپکو ءٙ واجہ دوست محمد ءِ لوگ ءٙ ودی بیت۔شہید راشد دوست وھد ءِ 5 سال ءِ عمر ءٙ بیت گُڑاں شہید ءِ واجہیں پِت دوست مھمد شہید راشد جان ءٙ وتی نزدیک ءِ دّمب تاپکو نامیں میتَگ ئے ءٙ پرائمری اسکول ءٙ داکل کنت ءُ 3 سال ءٙ تان شہید ھمے اسکول ءٙ وانیت۔ بلے پدا وانینگ ءِ کمی ءِ سبب ءَ گُڑاں شہید راشد جان وتی میتَگ ءِ دومی ھمراھانی ھواری ءَ وتی میتَگ ءٙ چہ 3 کلو میٹر دور سریج نامیں میتَگ ئے ءٙ ہائی اسکول ءٙ 2 تبک ءٙ داکیلی زُریت تاں 2009 واتی میٹریک ءٙ پاس کنت۔
2010 ءِ سال ءٙ شہید راشد جان پہ گیشیں وانگ ءُ زانگ ءِ ھاتر ءَ کیچ ءٙ روت عطا شاد ڈگری کالج ءٙ FSc ءٙ داکلءَ زُوریت گوں شرین وڑ ءِ ءٙ مھنت کنت ءُ پدا پہ انٹری ٹیسٹ ءِ واستہ شال ءٙ روت پہ بلوچستان میڈکل ءِ سیٹ ءِ واستہ بلے اولی رندا ٹیسٹ ءَ سیٹ ءِ نہ بیت دومی چانس ءَ ھمے گلامی ءِ کھمات ءَ زَر نہ بوگ ءِ سبب ءَ پدا واتر کیچ ءٙ کئیت پیسر شہید ءِ داکل ءَ ہم عطا شاد کالج ءٙ بنت۔
اگاں کس ءِ کیچ بُروت الم ءٙ شہیدانی رتکگین ھون ءُ آہانی داتگین قربانی وتی نیمگ ءٙ توار کن اَنت گُڑاں شہید راشد جان ءَ راج ءِ شہیدانی ھون وتی نیمگ ءَ توار کن انت کہ شہید وتی کالج ءِ کورسانی ھواری ءٙ ہم جنرل بُک ءُ بی ایس او آزاد ءِ ءُ بلوچ قومی پارٹی بی این ایم ءِ سنگر ءُ آزاد تاکانی ہم گون شرین وڑی ءٙ اسٹڈی کنت گُڑاں چمداں چے شہید چہ بلوچ قومی تحریک ءٙ متاثر بیت۔ 2013 ءٙ شہید راشد جان بلوچ قومی پارٹی BNM ءِ ممبر ءِ جوڑ بیت ءُ 2014 بی ایس سی کنت دیم ءٙ پہ وانگ ءِ واستہ زر نہ بیت شہید چاریت کہ مُپتیں نِندگ شریں چیز ءِ نہ اِنت شہید تاں 6 ماہ تربت سول اسپتال ءٙ نرسنگ کورس کنت ءُ کورس کمپلیٹ نہ بیت کہ پدا واتر وتی بُنکی میتَگ ءٙ یعنی گریشگ ءٙ روت پدا ھمودا گوں BNM گریشہ ھنکین ءٙ سنگتانی ھمراہی ءَ کار کنت راشد جان یک سکیں ایمانداریں و مخلصیں سنگت ءِاَت۔
منی گون راشد جان اولی ملاقات کیچ ءٙ ڈیلٹا سنٹر ءٙ بوت پرچہ کہ من ءُ راشد جان یک ایں مکتب ءٙ لینگوج سنٹر ءٙ وانگ ءٙ ات آں راشد جان ءٙ گوں اولی ملاقات ءٙ مئے نزدیکی بوت پدا ھمروچ مئے ملاقات کالج ءٙ و سنٹر بوتگ راشد جان سکین وانوک و محنتی ایںِ سنگت ءِ ات ءُ مدام بلوچ قومی گلامی ءِ باروا گپ و تران ءِ کُرت مدام پہ بلوچ راج ءِ باندات ءِ بارواہ جیڑگ ءٙ ات گوں گلامی ءَ سک نپرت ات ءِ بس ھمے گُشت ءِ کہ آ روچ کدی کایاں کہ ما چہ اے سلیں نادراہی ءَ در کاینت۔
مدام منی ءُ راشد جان ءِ بلوچستان ءِ صورتحالانی سرا بحث و محباثءَ اِت اَت راشد جان گوں پاکستانی لونڈواں سک نپرت ات اگاں کجا کہ پاکستان ءِ FC ءِ ڈیک وارت ایں گُڑاں آر ءَ الم لعنت ءِ گُشت ۔ شہید راشد جان اگاں کجا کہ یک نودربر ءِ بِہ دیست ایں الم ءٙ وانگ و زانگ ءِ بارواہ سرپدی ءِ داتگ کہ بوان ئے یک شرین انسان ءِ جوڑ بہ بیت پرچہ کہ راج ءِ باندات شُما ئے ءُ راج ءِ چم بہ شُما سک اَنت۔
منی گوں شہید راشد جان ءٙ تاں 2 سال ءٙ سک باز نزدیکی بوت من ءٙ چہ راشد جان ءٙ سک باز سِکگ ءِ موھ رست ھمے وھد ءَ 6 جنوری 2014 ءٙ ڈیلٹا سنٹر ءٙ و عطا شاد کالج ءِ ہاسٹل ءِ سرا پاکستان ءِ پوج چھاپہ جت ڈیلٹا سنٹر و ہاسٹل بند کنگ بوت ءُ 7`8 جنوری ءِ درمیان ءِ شپ ءَ FC کیچ ءٙ بلوچ ہسپتالءِ نزیک ءٙ یک کواٹر ءِ ئی سر ءَ چاپ ءَ جنت بی ایس او آزاد تربت ھنکین ءِ جنرل سیکٹری ءُ ڈیلٹا سنٹر ءِ ٹیچر شہید رسول جانءٙ گون دگہ 11 نودربر ءٙ آوار جنّت ءُ بارت۔ ( یات بہ بیت کہ پد ءَ کُلین اوار جتگ ایں نودربر آن یل کنت بلے سر رسول جان ءِ تِیر سُپتگین لاش 13 اپریل 2015 ءَ کیچ ءَ دست کپیت)۔
کیچ ءَ وانگ ءِ متاثر بوگ ءِ سبب ءٙ من گوں شہید راشد جان ءٙ گڈی وھد ءَ ملاقات کُرت پد ءَ من واتر وتی میتَگ ءٙ اتک آں۔ منی گوں راشد جان ءٙ پد ءَ تاں باز وھد ءَ ھچ وڑیں ھال ءُ اھوال نہ بوت من گوں وتی زاتی کاران گوں گُلاش ءُ راشد جان گوں وتی قومی جہد ءٙ ءُ شہیدانی کاروان ہمراہ دری کنگ ءٙ ات۔
اکتوبر 2014 ءِ ماہ اچانک شہید راشد جان نیٹ ورک ءَ اتکگ اَت من ءٙ فیس بک ءِ میسنجر ءٙ حال ءِ کُرت من ءُ منی ھمبل ءٙ تان باز وھد حال و احوال کُرت پرچہ کہ من پہ وتی ھمبل ءَ سک زھیر کُرتگ اَت۔
ھما روچ ءٙ پد منی ءُ راشد جان ءِ دیرا تاں ھال ءُ اھوال نہ بوتگ پرچہ کہ راشد جان ءِ کِرا نیٹ ورک ءِ نہ بوگ ءِ سبب ءٙ حال و اھوال نہ بوت پد ءَ ھمے دوران ءٙ BNM ءِ نہمی کونسل سیشن ءِ تیاری بیت 14،15،16، دسمبر 2014 ءَ کونسل سیشن بیت شہید راشد جان گریشہ ھنکین ءِ نمگ ءٙ مرکزی کونسلر زُورگ بیت ۔
سیشن ءَ پد راشد جان گریشہ ھنکین ءِ ٹہینگ ءِ سک جہد ءَ کنت پرچہ کہ ھمے دوران ءٙ گریشہ ھنکین ءِ بازین سنگت ءِ علاقہ در کیت و دیگہ 5’6 سنگت پاکستان ءِ دیم ءٙ سجدہ ریز بیت گریشہ ھنکین پُرشت و پُروش ءِ آماچ بیت گُڑاں راشد جان گوں وتی اِیدگہ سنگتانی ہمراہی ءٙ دوبر ھنکین ءِ بحال کنگ ءِ جہد ءَ کنت ھمے دوران ءَ اچانک نومبر 2015 ءَ من ءَ گریشگ ءِ نیِمَگ ءَ کار ءِ استگ اَت من گریشگ ءَ شُت آں منی اولی رَند اَت کہ من گریشگ ءِ دیدار ءٙ روگ ءٙ ات آں وھدے من گریشگ ءٙ سر بوت اں تاں یک بلائیں کوچگ ءِ چارین نِیمَگ ءٙ کوہ اِنت دامن ءِ شاشان ہم گوں وتی مہران شہید کمال جان ءِ شہید اکبر جان ءِ ءُ آدیگہ شہیدانی یات ءٙ مولُور اِنت گُڑاں من گریشگ ءٙ سنگتے ءِ لوگ ءٙ داشت سنگت ءَ را من سنگتانی ءُ علاقہ ءِ ھال ءُ اھوال کُرت آں ھمدا من شہید راشد جان ئے جُست گپت کہ بارین چون اِنت ھمد ءَ اِنت یاں جاگیہ شُت ءَ؟
سنگت ءَ پسّو دات کہ راشد جان نوں آ راشد جان نہ اِنت نوں راشد جان قومی پارٹی گوں وتی نزوریں کوپگاں زرت ءٙ و انچو گون پارٹی ءِ کاران دست گٹ اِنت کہ دست نہ کپیت۔ ھئو ھاں من سنگت ءَ را گُشت ! کہ من ءَ پہ راشد جان ءٙ سک زہیر ءِ کُرت ءَ اگاں تی ھال ءُ اھوال بیت گُڑاں تو الم گوں راشد جان ھال بکن بگو نوہان اتک ءَ منا راشد جان گِندگی اِنت پرچہ کہ دیرین نہ دیست ءَ کمو گِند ءُ نِند ئے کن آں سنگت ءَ گُشت کہ مئے کِرا دیگ ء نیٹورک ءِ ءُ رابطہ ءِ سھولت نیست بارین راشد جان کجا بیت راشد جان گوں وتی پارٹی ءُ وتی زاتی کاراں انچو گٹ اِنت دست نہ کپت بلے باندا پونشی الم کیت منی کِرا پرچہ کہ منی کِرا راشد ءِ چیز ءِ ایِر انت من گُشت شر انت الله سلامتی بیارات راشد جان ءَ۔
من گوں سنگت ءَ وتی کاراں ءُ علاقہ دیدار گِندی ءَ لوپ باڑی سریج پوگی داردان بابُلی بدرنگ گونی سُہردپ ءُ ھمے علاقہ گرد ءُ تر کُرت شرین وڑ ئے ءَ گریشگ ءِ دیدار کُرت۔ چار روچ ءَ پد راشد جان گوں دیگہ سنگتے ءِ ھمراہی ءٙ اتک وھدے لوگ ءِ دپا اتک من ءٙ دیست ءِ یکبرے ھیران بوت پدا کندگ ءِ جت ءِ گوشی نوہان جان تو کدی باریں مئے علاقہ ءَ اهتگ ءِ ھمدا ما وترا گوّر ءُ ھمباز ءُ مزاق کندگ پدا علاقی سیاسی صورتحالانی سر ءَ گپ و تران کُت ۔ من جُست کُرت کہ بارین علاقہ چون اِنت حالات چون آں شمئے کار ءُ سنگت چون اَنت؟ راشد جان گُشت کہ کار ٹیٹ آں بلے نیشنل پارٹی مزنیں تگ و تاچ ءِ کنگ ءٙ اِنت کہ علاقہ چون وتی دست ءَ بکن انت بلے مئے کوشست ھمیش اِنت کہ ما اے شیتان پارٹی ءٙ وتی علاقہ ءَ جاگہ مدئے انت ۔
وھد ءِ من راشد جان ءَ اے رندی دیست تاں راشد جان ءِ گپ تِران نیندگ پاد آھگ کُل انقلابی ءِ دروشما ات آں تاں لاتیں روچ ءٙ گریشگ ءِ و سنگتانی دیدار کُرت پدا واپس وتی علاقہ ءٙ اتک اں ءُ پدا زوت 11 دسمبر2015 ہمے ھال اتک کہ گریشگ ءٙ فوج ءَ و ڈیتھ اسکواڈ ءَ مشترکہ آپریشن کُرت ءَ بازین مردم ءِ بُرتگ دو سئے گِس ءِ مانداشت ءٙ ءُ راشد نامیں مردم ءِ شہید کنگ بوت ءٙ وھد منی کرا اے ھال سر بوت من ھما وھد گریشگ سنگت ءِ را ھال کرت باریں ھال کن راشد نامیں مردم ءِ شہید بوت کجام راشد انت؟
سنگت نِیمگ ءَ چہ پَسّو اتک کہ مئے سنگت راشد جان انت مرچی گونی ءِ علاقہ پارٹی کارانی واستہ شُت ءَ ھمدا پوج ءُ ڈیتھ اسکواڈ دیم ءَ گپ ئیت راشد جان ءَ شہید کن اں۔ وھد ءِ من سنگت ءِ پَسّو اش کُرت گُڑاں ھمد ءَ منا شہید راشد جان ءِ ھما گپ یاد اتک کہ گُشت ءِ کہ دنیا ءِ توک ءٙ ھما مردم زندگ بنت کہ آ چہ مرگ ءٙ سرگوز انت شہید راشد جان وتی قولانی سرا اُوشتات ءُ وتی کِرد ءِ پیش داشت وتی ماتین گلزمین ءِ ھک ادا کُرت ءُ وتارا بلوچ راج دپتر ءِ تہا نمیران کُرت۔ راج ءِ شہیداں ءَ سہرین سلام۔
بلوچستان آجو بات
