TBP Balochi

بولان ءَ پاکستانی پوج ءِ سر ءَ اُرش کُتگ ءُ ریل ءِ پٹی تراک ناکیں شورواں گوں تباہ کتگ – جئیند بلوچ

دی بلوچستان پوسٹ

سربیتگیں ھالانی رِد ءَ بلوچستان ءِ دمگ بولان ءَ ناشناسیں سلاہ بندیں پاکستانی پوج ءِ سر ءَ اُرش کُتگ ءُ ریل پٹی تراکناکیں شورواں گوں تباہ کنگ ءَ ھوار ریل پٹی ءِ نگھپانی کنوکیں پوجی کارمند ھم تراک ناکیں شوروانی نشانگ کنگ بوتگ اَنت –

گیشیں ھالانی رِد ءَ گوستگیں شپ ءَ بولان ءَ جما شار ءِ نزیک ءَ ناشناسیں سلاہ بندیں مردماں پاکستانی پوج ءِ پانگس ءِ سر ءَ اُرش کتگ اُرش پاکستانی پوج ءَ جانی ءُ مالی تاوان رس اِتگ –

چرے اُرش ءَ پد ریل ءِ پٹی ھم تراک ناکیں شوروانی نشانگ کنگ بوتگ اُرش ءَ ریل ءِ پٹی پُرشتگ –

اھوالکار ءِ رِد ءَ مروچی سھب ءَ ھم پاکستانی پوج ءِ سر ءَ اُرش کنگ بوتگ، پاکستانی پوج ءِ سر ءَ ھما وھد ءَ تراک ناکیں شوروانی نشانگ کنگ بوتگ وھدیکہ آ ریل پٹی چارگ ءِ ھاتر ءَ ترءُ گرد ءَ بوتگ اَنت –

دومی نیمگ ءَ بلوچ آجوئی لوٹوکیں سلاہ بندیں گل بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگیں درشان ءِ تہ ءَ ھرسئیں اُرشانی زمّہ واری منّ اِتگ گوشتگ کہ مئے سرمچاراں گوستگیں شپ ءَ بولان ءِ دمگ مچھ ءَ جما شار ءِ نزیک ءَ برجاھیں پاکستانی پوج ءِ پانگس ءِ سر ءَ اُرش کُتگ، اُرش ءِ آسرا یک پوجی کارمندے ھما دمان ءَ مُرتگ ءُ بازینے زدگ بوتگ ءُ پاکستانی پوج ءِ پانگس ءَ سک باز تاوان رس اِتگ –

جارکش ءَ وتی درشان ءِ تہ ءَ دیمتر ءَ گوشتگ کہ مئے سرمچارانی دومی ٹولہ ءَ بلوچستان ءَ چہ پنجاپ ءَ رؤکیں ریل ءِ پٹی تراک ناکیں شورواں گوں تباہ کتگ ءُ وھدیکہ مروچی سھب ءَ ریل پٹی ءِ چارگ ءِ ھاتر ءَ اتکگیں پوجی کارمند ھم مئے سرمچاراں تراک ناکیں شوروانی نشانگ کرتگ انت، اُرش ءَ چہ دو پوجی کارمند زدگ بوتگ اَنت –

دی بلوچستان پوسٹ

سوریں کوٹور ءَ پاکستانی پوج ءِ پانگس ءُ سنگر ءِ سر ءَ اُرش کُتگ دو کارمند کُشتگ یکے زدگ کُتگ – میجر گْوھرام بلوچ

بلوچ راجی آجوئی لوٹوکیں گل بلوچستان لبریشن فرنٹ ءِ جار کش میجر گْوھرام بلوچ ءَ رسانکدراں وتی شنگ کرتگیں درشان ءِ تہ ءَ مند ءَ پاکستانی پوج ءِ پانگس ءِ سر ءَ بیتگیں اُُرش ءِ زمہ واری منّ اِتگ ءُ گْوشتگ کہ مرچی ادار یازدہ ءَ مند سوریں کوٹور ءَ سرمچاراں پاکستانی پوج ءِ پانگس ءِ سر ءَ گوں دیرجنگیں توپکے ءَ یک کارمندے نشانگ کُرتگ ءُ کُشتگ-

جارکش ءَ دیمتر ءَ گوشتگ کہ ھمے وھد ءَ پانگس ءِ سر ءَ گوں مزنیں سلاھاں اُرش کُرتگ ، اُرش ءِ آسر ءَ پاکستانی پوج ءِ یک کارمندے مُرتگ ءُ یکے زدگ بیتگ –

گُڈسر ءَ بی ایل ایف ءِ جارکش ءَ گْوشتگ کہ مئےاُرش داں بلوچستان ءِ آجوئی ءَ برجاہ مان اَنت-

تیرگواری ءَ یک کسان سالیں زھگے ھم ھوار اِنت –

دی بلوچستان پوسٹ

سر بیتگیں ھالانی رد ءَ روکپتی بلوچستان ءِ دمگ سرباز ءَ ناشناسیں مردمانی تیرگواری ءَ زھگے ءَ ھوار دو مردم زدگ بیتگ اَنت –

اھوالکار ءِ رد ءَ تیرگواری ءِ وئیل گوستگیں مگرب ءَ رند پیش اتکگ ءُ وئیل سرباز ءِ میتگ انزا ءَ بیتگ کہ اود ءَ ناشناسیں مردماں یک گاڑی ءِ سر ءَ نھادی جاہ ءِ نزیک ءَ تیرگواری کرتگ کہ چریشی ءَ چار سالی چُکے ءَ ھوار دو مردم زدگ بیتگ اَنت –

زدگ بیتگیں مردمانی پجار حسین ملک رئیسی ء مھمد نور جھمنند کیشکلگ ءُ عبدلطیف ملازئی جھمنند انزا ءِ ناماں زانگ بیتگ اَنت –

اھوالکار ءِ رد ءَ حسین ملک رئیسی ءِ اُمر چار سال اِنت کہ وتی پِت ءِ ھمراھی ءَ گاڑی ءَ سوار بیتگ ءُ روگ ءَ بیتگ اَنت –

اھوالکار ءِ رد ءَ تیرگواری کنوک گاڑی ءَ سوار بیتگ اَنت ءُ اے مردمانی سر ءَ تیرگواری اش کرتگ ءُ تیر حسین ملک رئیسی ءِ لاپ ءَ پیوست بیتگ اَنت ءُ سَے تیر عبدلطیف ءِ پاداں لگ اِتگ اَنت ءُ چریشی ءَ پد زدگ بیتگیں مردم پھرہ ءِ نادراہ جاہ ءَ برگ بیتگ اَنت –

دی بلوچستان پوسٹ

سر بیتگیں ھالانی رد ءَ مند ءِ دمگ سھرین کوہ ءَ پاکستانی پوج ءِ چوکی سر ءَ ناشناسیں سلاہ بندیں مردماں اُرش کرتگ –

دمگی مردمانی رد ءَ پاکستانی پوج ءِ چوکی ءِ سر ءَ اُرش ساھت یازدہ ءَ بیتگ ءُ اُرش مند سھرین کوہ ءَ ھواریں کوہ کوہ ٹور ءَ پاکستانی پوج ءِ ھستیں چوکی ءِ سر ءَ بیتگ –

دمگی مردمانی رد ءَ ھمے دمگ ءَ گوستگیں روچ ءَ چہ پاکستانی پوج ءِ لشکر کشی برجاہ اِنت ءُ مروچی ھمے ھند ءَ ناشناساں پوج ءِ سر ءَ اُرش کرتگ –

تنی وھدی پوج ءِ نیمگ ءَ نانکہ اُرش ءِ راستی دیم ءَ اتکگ نانکہ گوستگیں روچ ءِ لشکر کشی ءِ ھال دیم ءَ اتکگ –

زانگ بہ بیت بلوچستان ءِ جتائیں جاھاں پاکستانی پوج ءِ سر ءَ اُرش بیگ ءَ اَنت کہ گیشتریں اُرشانی زمہ واریاں بلوچستان ءِ آجوئی ءِ لوٹوکیں سلاہ بندیں گل منّگ ءَ اَنت-

تنی وھدی مروچی بیتگیں اُرش ءِ زمہ واری ھچ گل ءَ پہ وت ءَ نہ زرتگ –

دی بلوچستان پوسٹ

ثناء بلوچ ھمے سال ءِ مئی ءِ ماہ ءِ یازدہ رمس ءَ پاکستانی پوج ءُ چیریں ادارھانی کارندھاں یک بیڑے ءِ وھد ءَ دزگیر کرتگ ءُ ناشناسیں جاھے ءَ برتگ اَت –

سر بیتگیں ھالانی رد ءَ بیگواہ بیتگیں نودربر ثناء بلوچ دیم ءَ آرگ بیتگ ءُ اے وھد ءَ جتائیً جاھاں اُرشاں بیتگیں وئیلانی پُشدر ءَ پولیس ءِ دست ءَ دیگ بیتگ –

اسلام آباد علامہ اقبال اوپن یونیورسٹی ءِ نودربر ثناء نلوچ ءِ کھول ءَ چار ستمبر ءَ شال ءِ پریس کلب ءِ دیم ءَ برجاھیں بیگواھیں مردمانی یلہ کنائینگ ءِ واستا شدھرتال ءَ گوشتگ کہ پاکستانی پوج ءِ کرنل عمر فاروق ءَ منّ اِتگ کہ ثناء نلوچ مئے گور ءَ اِنت ءُ آئی ءِ پَٹ ءُ پول بیگ ءَ اِنت ءُ چریشی ءَ پد آ یلہ کنگ بیت اِنت بلے چار ماہ ءِ گوزگ ءَ پد ھم ثناء بلوچ یلہ کنگ نہ بیتگ –

بلے انی آ بیگواہ بیگ ءَ پد جتائیں جاھاں بیتگیں ناشریاں دزمانجن کرتگ ءُ دیم ءَ آؤرتگ اِت –

ھمے وڑ ءَ بلوچستان ءَ گار ءُ بیگواھیں مردمانی واستا جھد کنوکیں گل وائس فار بلوچ مسنگ پرسنز ءَ وتی ٹوئیٹر تند جاہ ءَ گوشتگ کہ ثناء بلوچ ءِ بارہ ءَ گوستگیں ھپتگ ءَ سرکار ءِ گور ءَ آئی ءِ بیگواھی ءِ ھال پیش کرتگ اَنت –

وائس فار بلوچ مسنگ پرسنز ءَ سرکار ءَ چہ لوٹ کرتگ ءُ گوشتگ کہ ثناء بلوچ ءِ واستا یک کمیٹی ءِ جوڑ بہ کنت ءُ ایشی ءَ پدر بہ کنت ثناء بلوچ ءِ سر ءَ لڈ اِتگیں بھتامانی تہ ءَ چِنکس راستی ھست اِنت –

دی بلوچستان پوسٹ

سر بیتگیں ھالانی رد ءَ روکپتی بلوچستان ءَ ناشناسیں سلاہ بندیں مردمانی تیرگواری ءَ یک مردمے بیران بیتگ –

اھوالکار ءِ رد ءَ روکپتی بلوچستان ءِ دمگ مگس ءَ ناشناسیں مردمانی تیرگواری ءَ یک مردمے بیران بیتگ، بیران بیتگیں مردم ءِ پجار جواد اربابی ء ابراھیم ءِ نام ءَ زانگ بیتگ –

کوش ءِ سوب تنی وھدی زانگ نہ بیتگ، تیرگواری ءَ پد بیران بیتگیں مردم ءِ جون چِست کنگ بیتگ ءُ نادراہ جاہ ءَ سر کنگ بیتگ –

دمگی مردمانی گوشگ اِنت کہ اے وئیل بازیں وھداں بیگ ءَ اَنت کہ اشانی گیشتریں سوب سرکار ءِ نیمگ ءَ سلاہ بند کرتگیں مردم اَنت کہ مردماں جنگ ءُ کُشگ ءَ اَنت –

اھوالکار ءِ رد ءَ سرکار ءِ نیمگ ءَ چوشیں گپانی راستی نہ بیتگ اَنت –

دی بلوچستان پوسٹ

بلوچستان ءِ تیابدپی دمگ گوادر ءَ دریاوردانی میان اُستمانی روچ ءِ درگت ءَ مراگش، مراگش ءَ ھدامرزی ءِ ناھدا ھدابکش ءَ دروت ندر کنگ بیتگ –

مروچی بزاں شمبے ءِ روچ ءَ دریاوردانی میان استمانی روچ ءِ درگت ءَ گوادر ءِ دریاوردانی ھمسنتانی چیردستی ءَ ڈھوریہ ءَ ھدابکش ملک ءِ یات ءَ مراگش ءِ اڈ دیگ بوتگ –

مراگش ءَ گوادر مید اتھاد ءِ رھشون واجو ھدا داد، گوادر فشر فوک فورم سرکماش اقبال واڈو، عبدالغفار لشکری، جی ڈی اے گر ءُ دار کنوکیں سروک عبدالرحیم بلوچ، چہ گوادر پریس کلب ءَ سلیمان ھاشم ءُ دریاورد ءُ چاگردی رھشون حسن ندیم ءَ مراگش ءَ اتکگیں مردمانی میان ءَ تران کتگ –

ءُ آھاں ھمے روچ ءِ درگت ءَ ھدامرزی ناھدا ھدابکش پنام ھدی ملگ ءَ را دروت ندر کتگ –

مراگش ءَ لھتے منّگ نامہ گوادر ءِ ایم پی اے بلوچستان پتر ءَ دریاوردانی لیبر گشینگ ءِ ھاتر ءَ نبشتگیں گپ د دیم ءَ آرتگ ءُ آ منارینتگ – وھدیکہ گوشگ بیتگ کہ ڈیپ سی ءَ ٹرالرنگ سرجمی ءَ ھلاس کنگ بہ بنت ءُ دیمی زِر ءَ کہ ھاکشِن ھال جوڑ کنگ بیت آ ھدامرزی ءِ ناھدا ھدابکش ءِ نام ءَ ایر کنگ بہ بیت –

اشی ءَ ابید گوادر ءِ تہ ءَ ھر سال بیست ءُ یک نومبر ءَ دریاوردانی میان اُستمانی روچ چہ سرکارے نیمگ ءَ دارگ ءِ ھاتر ءَ منّگ بوتگ –

بلوچستان ءِ دمگ وڈھ اورناچ ءِ کراس ءَ دگ ءِ وئیل ءَ زالبولے ءَ ھوار دو مردم ٹپی بیتگ اَنت –

دی بلوچستان پوسٹ

گیشیں ھالانی رِد ءَ وڈھ اورناچ ءِ چار راہ ءِ سر ءَ گاڑی ءِ وئیل ئِے آماچ بوتگ، وئیل آماچ بوتگیں گاڑی ءَ چہ دو مردم ٹپی بوتگ، ٹپی بوتگیں مردمانی تہ ءَ زالبولء ھم ھوار اِنت –

وئیل ءَ پد ھما دمان ءَ 1122 ٹیم ءَ وت ءَ وئیل جاہ ءَ سرکتگ ءُ ٹپی بوتگیں مردم درمان کُتگ ءُ پہ گیشیں درمانی ءِ ھاتر ءَ ھزدار ڈی ایچ کیو ھسپتال ءَ سرکنگ بیتگ اَنت –

زانگ بہ بیت بلوچستان ءِ گیشتریں ھند ءُ دمگاں دگانی وئیل دیم ءَ آیگ ءَ اَنت کہ آیانی تہ ءَ گیشتریں سوب دگانی پُرشت ءُ پروشی ءُ ترند رؤکیں گاڑیانی سوب گوشگ بیگ ءَ اَنت –

ھمے وڑ ءَ گوستگیں روچ ءَ بلوچستان یوتھ اینڈ سول سوسائٹی ءِ نیمگ ءَ شنگ بیتگیں درشان ءِ تہ ءَ گوشگ بیتگ کہ بلوچستان ءَ ھمے سال ءِ اکتوبر ءِ ماہ ءَ داں دگ ءِ وئیلاں یک سد ءُ بیست ءُ ھپت مردم بیران ءُ یک ھزار ءُ سَے سد ءُ ھشتاد مردم زدگ بیتگ اَنت –

نبشتانک: راجی دوزواہ شھید شے سپاھان بلوچ

نبشتہ کار: عصا بلوچ

دی بلوچستان پوسٹ

انچُش گُش اَنت کہ گریب دوست نان دئے مردُم گار نہ بیت زوال نہ بیت ھمے گریب دوستاں چہ یکیں شھید سپاھان اَت شھید ءَ مُدام گریب ءُ درتگ پُچانی مدت ءُ کُمک کُت شھید ءِ لوگ ءَ چُشیں روچ ءِ نیست اَت مھمان نیست اَت ھروچ دہ ءُ دہ مردُم شھید ءِ مھمان اَت ءُ شھید سکیں راج دوستیں مردُمے اَت-

یک سرجمیں آشوبی مردُمے اَت وھدیکہ شھید بابادرویش وتی دمگ ءَ چہ درآتک پہ پارٹی ءِ کارانی واستا شُت بالگتر ءَ گُڑا شھید بابادرویش ءِ جاگہ شھید سپاء جان ءِ گِس اَت شھید بابادرویش شھید سپاھان ءِ سک ءَ نزیک ءَ وتی اَنت ھردویں ناکو زتک اَنت شھید سپاھان ءِ لوگ پہ سرمچاراں یک پنا گاہ ءِ جوڑ بوت ۔

ھروچ سنگتانی رو آ بوت شھید ڈاکٹر منان جان ءَ ھوار دگہ ھزاراں سنگت شھید ءِ گِس ءَ اِت اَنت شھید سپاھان ءَ گوں سنگتاں مُدام دیوان ءَ اَت شھید سپاھان ءِ بیٹک ءَ شھیدانی اکس لگوک اِت اَنت شھید مُدام گوں سنگتاں بچکندگ ءَ اَت انچُش کہ مرچی ھزاراں مردُم گُش اِیت مارا پہ شھید ءِ بچکندگ ءَ پہ زھیر کنت۔

ھمے وڑ ءَ وھد گوزان بوت ناپاکیں پاکستان ءِ سی پیک روٹ چہ بالگترا گُست بالگتر ءِ بازیں میتگ لڈ ءُ بھر ءَ مجبور بوت اَنت شھید سپاھان ھم لڈ ایت کولواہ ناگ ءَ شُت نِشت اود ءَ ھم شھید ءِ لوگ سرمچارانی جاہ اَت ۔

شھید سپاھان بلوچ نیشنل مومنٹ (بی این ایم) ءِ باسکے اَت 3/11/2016/ ءَ پاکستانی لشکر ءَ زمینی ءُ بُرزی آپریشن بندات کُت پاکستانی ناپاکیں پوج ءَ شھید سپاھان انگیر کُت شھید ءِ آوار جَنگ ءِ جُھد کُت بلے شھید سپاجان ءَ وتی نِگارو پسٹل کَش اِت پاکستانی لشکر ءِ کارمندانی سر ءَ اُرش کُت پاکستانی لشکر ءِ 3 سے کارمند مُردار کُت وت پاکستانی لشکر ءِ تیرانی آماچ بوت ءُ پہ زمین ءَ کُربان زمین ءِ ھاک امباز کُت نمیران بوت شھید سپاجان ءِ ھون پہ بلوچ ءَ وشیں باندات ءِ کار اِیت۔

“دُژمن ءُ بدواہ سک گَل ءَ بال اَنت
دوست تئی مرگ ءَ دائم ھِسکار اَنت”
” سرمچاریں سراں پہ پنا ءِ بہ بو
چُش سپا ءِ وڑ ءَ دوستواہ ءِ بہ بو”

دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

دی بلوچستان پوسٹ

بلوچستان ءِ دمگ دکی ءَ شمبے ءِ سھب ءَ کرود ءِ کپگ ءَ کاریزکارے بیران بیتگ –

لیویز بنشون ءِ رد ءَ کاریزکار کھن ءِ جُھلی ءَ کلونڈگ ءَ بیتگ کہ کرود کپتگ – بیران بیتگیں کاریزکار ءِ پجار عبید اللہ ءِ نام ءَ زانگ بیتگ ءُ اوگستان ءِ جھمنند گوشگ بیگ ءَ اِنت –

لیویز بنشون ءِ رد ءَ آ دگہ کاریزکاراں وت ریک دور کرتگ ءُ کاریزکار ءِ جون کش اِتگ –

لیویز ءِ رد ءَ جون ڈسٹرکٹ ھیڈکوارٹر ھسپتال دکی ءَ سرکرتگ – عبید گوستگیں لھتے سالاں دُکی ءَ اشکرانی کھن ءَ کارکنوکیں ورنایے بیتگ –

دکی ءُ بلوچستان ءِ دگہ جاھاں اشکرانی کھناں اے وڑیں ھمک روچ بیگ ءَ اَنت کہ اشی ءِ مستریں سوب کاریزکاراں آسراتی نہ بوگ ءِ سوب اِنت –