ڈیرہ مراد جمالی ءَ پولیس ءِ سر ءَ بمب تراک ءِ زمہ واری بی آر جی ءَ منّ اِتگ

الم بوانیت

بلوچ ریپبلکن گارڈز ءِ جارکش دوستین بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ بی آر جی ءِ سرمچاراں مروچی بلوچستان ءِ دمگ صدر تھانہ ڈیرہ مراد جمالی ءِ ھاک قدیر کوٹ نزیک ءَ ھائی وے سر ءَ زورگریں پاکستانی پولیس ءِ گاڑی ریموٹ کنٹرول بمب ءَ چہ نشانگ کتگ – تراک ءِ آسر ءَ زورگریں پولیس ءِ سے کارندہ سک ٹپی بیتگ اَنت-

جارکش ءَ گْوشتگ کہ ما ھروچ ءِ رنگ ءَ پد ءَ چہ پولیس ءَ کڈن کن ایں کہ آ مردماں دلسیاہ کنگ ءَ یل بدنت ءُ زرگرگ ءَ رشوت زیرگ ءَ بند بہ کنت اگاں ناں تُرندیں اُرش مئے برجاہ بنت-

جارکش ءَ گْوشتگ کہ مئے گل اے اُرش زمہ واری ءَ منّ اِیت- مئے اے وڑیں اُرش بلوچستان ءِ وتواجھی ءَ تاں برجاہ بنت-

نوکتریں