بلوچستان ءِ دمگ کیچ ءَ پاکستانی پوج ءِ دست ءَ آوار جنگ بیتگیں دو مردم یل کنگ ءُ وتی لوگاں سر بیتگ انت-
گیشیں اھوالانی رد ءَ یک جولائی ءَ کیچ ءُ گوادر ءِ میانی دمگ دشت دور کنڈگ چیک پوسٹ ءَ پاکستانی لشکر ءِ دست ءَ آوار جنگ بیتگیں بسمل ء باسد ءُ رازک ء ھبیب مروچی چہ گوادر ءَ یل کنگ بیتگ انت-
یل بیتگیں مردمانی سیادی کیچ ءِ دمگ مند ءَ انت کہ یک جولائی دوھزار ءُ بیست ءُ پنچ ءَ چہ دشت دور کنڈگ چیک پوسٹ ءَ آوار جنگ ءُ بیگواہ کنگ بیتگ انت-
یل بیتگیں مردمانی کھولاں ھال راست کتگ ءُ گوشتگ ھردوکیں ورناہ مروچی چہ گوادر ءَ یل کنگ بیتگ انت-