بلوچ آجوئیں لوٹوکیں سلاہ بندیں گلانی ھم سنتیں گل بلوچ راجی آجوئی سنگر ( براس) ءِ جارکش بلوچ ھان ءَ رسانکدراں وتی شنگ کرتگیں درشانے ءِ تہ ءَ گوشتگ کہ براس ءِ سرمچاراں سرجمیں بلوچستان ءَ مھکم ءُ شریں لشکری تکشامے ءِ میان ءَ سرجم ءَ 72 کار کرتگ۔ اے کاراں زورگریں پاکستانی پوج، نیم پوجی ٹولی، چیریں ادارہ، ریاستی پلہ مرزیں کشندہ ٹولی ، سرکاری شوربندی، مادن بروکیں گاڑی ءُ آدگہ ریاستی نپ نشانگ کرتگ اَنت۔ اے ارشاں زورگریں پاکستانی پوج ءِ کم چہ کم 32 کارمند مرتگ ءُ 40 ءَ گیش زدگ بوتگ، چاردہ گاڑی سرجم ءَ تباہ کنگ بوتگ انت –
جارکش بلوچ ھان ءَ گوشتگ کہ اے میان ءَ بلوچستان ءِ جتا جتائیں ھند ءُ دمگاں بازیں اداراں سی ءَ گیش جاہ ءَ شھدگ بستگ اَنت۔ اے دگانی بندگ ءِ میان ءَ سرمچاراں نہ تیوک ءَ گاڑی داشتگ اَنت بلکیں ھمے پٹ ءُ پول ءِ رد ءَ دژمنیں پوج ءُ ریاستی کارمند پجارگ ءَ پد نشانگ کرتگ اَنت۔ اے لشکری کارشونی براس ءِ مھکم ءُ چیر جنگیں بودناکیانی برورد اِنت –
جارکش ءَ گوشتگ اے ارش 27 مارچ 1948 ءِ درگت ءَ کنگ بوتگ اَنت کہ زورگریں ریاست پاکستان ءَ لشکرکشی ءِ رد ءَ بلوچ سرڈگار دستیگ کرتگ۔ اے زورگپتی بلوچستان ءِ گوستانکی، زمینی کچ ءُ کساس ءُ دودمان ءِ بگیر بوتگ، ایشی بگیری ءَ بلوچ لس مردماں چہ بنداتی روچاں گھگیری کرتگ۔ براس ءِ نیمگ ءَ کنگ بیتگیں لشکری سرگرمی نہ تیوک ءَ اے زورگپتی ءِ بگیری ءَ چیدگی ءُ کردی گھگیری یے بلکیں اے ھمے گپ ءَ پیش دار ایت کہ بلوچستان مرچی ھم زورگپتیں سرڈگارے۔
براس ءِ جارکش بلوچ ھان ءَ وتی کارانی سرجمیں ھال داتگ ءُ گوشتگ کہ براس ءِ سرمچاراں گوادر ءَ کوسٹل ہائی وے پسنی ءُ اورماڑہ ءِ میان ءَ داں دو ادار ءَ دگ بندی کتگ – ھمے وھد ءَ مساپر کشیں بسانی تہ ءَ زورگریں پوج ءِ شش کارمند پجار کنگ ءَ پد کُشتگ انت وھدیکہ ایل پی جی بروکیں گیس ٹینکر ءِ ھم مانداشتگ –
ھمے شپ ءَ گوادر ءِ دمگ پدر زر ءَ گوادر پورٹ اتھارٹی ءِ نزیک ءَ سرمچاراں زورگریں پوج ءِ یک گاڑی ءِ ریموٹ کنٹرول آئی ای ڈی بمب اُرش ءِ کُتگ، چریشی ءَ پوج ءِ پنچ کارمند مُرتگ ءُ دو سک باز زدگ بوتگ انت، ءُ آیانی گاڑی سرجمی ءَ تباہ بوتگ –
آئی ءَ گوشتگ کہ ائیرپورٹ دگ ءَ گریڈ ءِ نزیک ءَ برجاھیں پوجی پانگس ءِ سرا ھم سرمچاراں وتکار ءُ مزنجں سلاھاں گوں اُرش کتگ چریشی ءَ دژمن ءَ جانی ءُ مالی تاوان ءِ دیمپانی کنگ کپتگ – ھمے وڈ تجابان کرکی ءَ سرمچاں چہ گوادر ءَ کھاد بروکیں چار ٹریلر مانداشتگ وھدیکہ آیانی ڈریور مکن کتگ ءُ یل داتگ انت –
ھمے وڈ پسنی ءَ نیشنل بینک ءِ نزیک ءِ کسٹم بنجل ءِ سرا گرنیڈ لانچر ءِ بازیں گولہ ءِ آس داتگ ءُ وتکاریں سلاھاں گوں اُرش کتگ چریشی ءَ کارمنداں تاوان رستگ –
آئی ءَ گوشتگ کہ جیونی ءِ دمگ ھوکار ءِ نزیک ءَ کوسٹ گارڈ بنجل ءِ سرا ھم وتکاریں مزنیں سلاھاں گوں اُرش کتگ دژمن جانی تاوان داتگ –
جارکش بلوچ ھان ءَ گوشتگ کہ براس ءِ سرمچاراں ماں تربت ءَ بازیِ ھند ءُ دمگاں دگ بندی کتگ ءُ تربت ءِ دمگ اسگر گیٹ ءِ ھیلی پیڈ ءِ سرا راکٹ لانچر ءِ پنچ گولہ آس داتگ، چریشی ءَ اودا آس روک بوتگ ھمے وڈ پوج ءِ ملٹری انٹلی جنس (ایم آئی) کارگس ءِ سرا ھم راکٹ گولہ آس داتگ چریشی ءَ کارگس ءَ تاوان رستگ ءُ دژمن ءَ جانی ءُ مالی تاوان ءِ دیمپانی کنگ کپتگ –
آئی ءَ گوشتگ کہ سرمچاراں تر ءُ گرد سنگانی سر، چاہ سر ءُ ملک آباد ءَ تاں بوتگ انت – کہ اودا بازیں ادارے ءَ تاں پٹ ءُ پول کنگ بوتگ ءُ دژمن ءِ سر ءُ پُر ھم چارگ بوتگ انت – آئی ءَ گوشتگ کہ گورکوپ سوردی ءَ پوجی بنجل ءِ سرا راکٹ ءُ مزنیں سلاھاں گوں اُرش کتگ – وھدیکہ آبسر ءَ برجاھیں پوجی بنجل ءِ سرا پنچ راکٹ گولہ آس داتگ –
آئی ءَ گوشتگ کہ کیچ ءِ دمگ کولاہ مادگ کلات ءَ برجاھیں پوجی بنجل دو نیمگاں انگر کتگ ءُ آئی ءِ سرا اُرش کتگ – کہ اودا سرمچاراں راکٹ لانچر ءُ گرنیڈ لانچر ءِ پنجاہ گولہ آس داتگ ءُ آ سک باز تاوان بار کتگ –
ھمے وھد ءَ ایندگہ سرمچاراں ڈل ءِ بازار ءَ پیسر ءَ دگ ءِ سر ءَ سنگر گپتگ ءُ نشتگ انت آیانی کمک ءَ آؤکیں کاروان ءِ سرا اُرش کتگ – اے اُرش ءَ سَے کارمند مرتگ ءُ کم چہ کم شش زدگ بوتگ انت – وھدیکہ پدکنزوکیں پوج ءَ مھلوک ءِ گسانی سرا بیڑ برتگ ءُ آ وتی ھمراہ کتگ انت –
بلوچ ھان ءَ گوشتگ کی ھاران ءُ شال ءِ بنجاھی شھدگ ءِ سرا سرمچاراں دو ادار ءَ گیش دگ بستگ ءُ شریں وڈی ءَ پٹ ءُ پول کتگ – ھاران ءَ ڈپٹی کمشنر ءِ کارگس ءِ سرا دزبمب اُرش ءِ کتگ – اے اپسر ریاست ءِ شور بندیانی رِد ءَ ادا آرگ بوتگ کہ اشی ءَ بلوچ ملازم زورانسری ءُ بیھار داتگ ءُ دژمن ءِ مراگشاں برتگ انت –
ھمے بازار ءِ ھند گڑی ڈور ءَ برجاھیں پاکستانی پوج ءِ پانگسے ءِ سرا وتکاریں سلاھاں گوں اُرش کتگ، اے اُرش نیم ادار ءَ تاں برجاہ بوتگ چریشی ءَ زورگریں پوج ءَ سک باز تاوان رستگ – تُرس آماچیں پوج ءَ پسوی ءَ لس مھلوک ءِ سرا مارٹر گولہ آس داتگ –
آئی ءَ گوشتگ کہ نوشکی ءَ شیخ واصل ءِ ھند ءَ شال تاں تفتان ءِ شھدگ سرمچاراں بستگ ءُ چہ اودا یک سرکاری اپسر ءِ دزگیر کتگ، آئی ءِ گاٹ ءِ سلاہ ہچ گپتگ انت – آ بلوچ ءِ بوتگ ھمے واست ءَ سرپدی داتگ ءَ یل داتگ – دگ بندی ءِ وھد ءَ لیویز کارمند داشتگ انت ءُ آیانی سلاہ پچ گپتگ انت ءُ جند یل داتگ انت – سرمچاراں ھمے ھند ءَ دو پاسی ءَ لیویز چوکی ءِ گپتگ ءُ اودا سلاہ دستیگ کتگ انت ءُ دشگیر کتگیں کارمند پدا یل داتگ انت –
آئی ءَ گوشتگ جی کیشنگی (پاچنان) ءَ SPG9 سرا پوجی پانگس نشانگ کتگ چریشی پنچ کارمند زدگ بوتگ انت –
آئی ءَ گوشتگ کی مستونگ ءِ دمگ کھڈکوچہ ءَ سرمچاراں شال تاں کراچی ءِ شھدگ سَے ادار ءَ بستگ ءُ پٹ ءُ پول کتگ ھمے وھد ءَ سی ٹی ڈی اپسرے ءَ تچگ ءِ جھد کتگ بیتگ بلے آ تیر باران کتگ ءُ کشتگ وھدیکہ ایندگہ کارمند زدگ کتگ ءُ دژمن دیم آیگ ءَ بے سوب کتگ –
آئی ءَ گوشتگ کہ کلات ءَ براس ءِ سرمچاراں پنچ شمبے ءِ شپ ءَ ٹول پلازہ ءِ ھند ءَ بنجاھی شھدگ بستگ – ھمے روچ ءَ پاکستانی پوج ءِ گاڑی ءِ ریموٹ کنٹرول بمب ءِ سرا نشانگ کتگ چریشی ءَ پوج ءَ جانی ءُ مالی تاوان رستگ –
منگچر ءُ مھلبی ءَ ھم سرمچاراں بازیں ھند ءُ دمگاں بنجاھی شھدگ بستگ انت ءُ ھمے میان ءَ پٹ ءُ پول کتگ سرجمءِ دمگ وتی کنٹرول ءَ کتگ –
بولان ءِ دمگ کولپور ءَ دو ادار ءَ گیش دگ بستگ اے میان ءَ بنجاھی شھدگ سرجمی ءَ سرمچارانی کنٹروم ءَ بوتگ – ھمے وڈ بارکھان ءُ رکھنی ءَ میان ءَ بنجاھی شھدگ ھم سرمچاراں دو ادار ءَ تاں بستگ ءُ پھازگی ادارہ ءُ ریاستی نپ شوھاز اِتگ انت –
سوراب ءَ شپ ءِ نُھ وتگڑیں سی ٹی ڈی ءِ کارگس ءِ سرا دزبمب اُرش ءِ کتگ چریشی ءَ دو کارمند زدگ بوتگ انت ءُ کارگس ءَ تاوان رستگ -.
جارکش ءَ گوشتگ کی ھزدار ءَ شال تاں کراچی ءِ بنجابی شھدگ اورناچ ءِ نزیک ءَ سرمچاراں بستگ وھدیکی وڈھ کراڑو ءَ دو اداراں تاں شھدگ وتی کنٹرول ءَ کتگ ھمے وھد ءَ سرمچاراں گوستگیں ایم پی اے حمل کلمتی داشتگ ءُ پجار کنگ ءَ پد بلوچی دودمان ءِ رِد ءَ پہ شرپ یل داتگ –
جارکش بلوچ ھان ءَ گوشتگ کہ ھمے دگ بندی ءِ میان ءَ سرمچاراں ریاستی چیریں ادارھانی جوڈ کتگیں کشندہ ٹولی ءِ مزنیں باسک اختر ء خیر جان دزگیر کتگ – جست ءُ پُرس پجار کنگ ءَ پد مرگ ءِ سزا داتگ –
آئی ءَ گوشتگ کہ گوست ءَ اکتر یک سرمچارے بوتگ بلے سال دوھزار پانزدہ دژمن ءِ دیم ءَ آئی ءَ سلاہ چگل داتگ انت ءُ بلوچ راجی زرمبش ءِ بگیری ءَ کار ءِ کتگ – آ ریاستی کشندہ ٹولی ءِ سروک مھراللہ محمد حسنی ءِ نزیکیں سنگتے ءُ بلوچ چکچینی ءَ ھوار بوتگ – براس ءِ نیمگ ءَ آ باز براں موہ دیگ بوتگ کہ وتی کتکاریاں یل بہ کنت بلے آئی ءَ گشگ کار ءَ نک یتکگ کہ نوں آ سزا دیگ بوتگ –
آئی ءَ گوشتگ کہ براس ءِ سرمچار کراچی ءَ ھم پرکار بوتگ انت آیاں قائد آباد ءَ پولیس تانہ ءِ سرا دزبمب ءِ جتگ کہ چریشی ءَ سَے کارمند زدگ بوتگ انت –
آئی ءَ گوشتگ کہ ھب ءَ پولیس تانہ ءِ سرا ھم دزبمب اُرش ءِ کتگ چریشی ءَ کارمند ءِ زدگ بوتگ ءُ تانہ ءَ تاوان رستگ – ھمے بازار ءَ چیریں ادارھانی کارمند کامران ءِ سرا ھم اُرش ءِ کتگ – سرزاھری اے مرد دکاندارے بوتگ بلے چیرکاؤ ریاستی ایجنسیانی ھاتر ءَ چاریگی کتگ –
جارکش ءَ گوشتگ کہ پنجگور ءَ ھم براس ءِ سرمچاراں بازیں کارے کتگ – سبدان کراس ےَ دو ادار ءَ تاں دگ بندی کتگ – سرادوک ءَ کہ سی پیک دگ ءِ ادا سَے ادار ءَ دگ بندی کتگ – بالگتر نلی ءَ ھم دگ بستگ –
بلوچ ھان ءَ گوشتگ کہ براس ءِ سرمچاراں ڈیرہ بگٹی ءَ ھم جوانیں پوجی کار کتگ – کٹن پل ءَ پوجی پانگسے ءِ سرا اُرش کتگ صھبت پور ءَ پولیس پانگسے ءِ سرا اُرش کتگ ءُ پھازگی ادارہ تاوان داتگ انت – سنی ءَ برجاھیں پوجی پانگس ءِ سرا اُرش کتگ ءُ جانی مالی تاوان داتگ – روجھان ءَ چہ سوئی ءَ بگر تاں پنجاپ ءَ رؤکیں گیس ءِ پیپ تراکینتگ کہ چریشی ءَ پنجاپ ءَ گیس رؤگ بند بوتگ –
جارکش ءَ گوشتگ کہ براس ءِ سرمچاراں سبی ءَ مرزانی پولیس پانگس ءِ سرا بیڑ برتگ ءُ درسیں کارمند دزگیر کتگ انت ءُ آیانی سلاہ پچ گپتگ انت – پدا رند ءَ درسیں کارمند یل داتگ انت –
جارکش بلوچ ھان ءَ گوشتگ کہ بختیار آباد ءَ بنجاھی شھدگ ءِ سرا دگ بندی کتگ گڈا ھمے میان ءَ زورگریں پوج ءِ گوم ءَ میڑے بوتگ – میڑ دو کارمند مرتگ – ھمے وڈ کرمو وڈ ءَ ھم پوج سرا اُرش کتگ –
آئی ءَ گوشتگ کہ ڈھاڈر گیس پلانٹ ءِ پھازوکانی سرا ھم اُرش کتگ – ھمے دمگ ءَ شھدگ بستگ ءُ پٹ ءُ پول ھم کتگ –
پنچاپ رحیم یار خان ءِ دمگ خانپور ءَ سردار گڑھ علی چار راہ ءَ پولیس ءِ گاڑی ءِ سرا دزمب ءِ چگل داتگ چریشی ءَ سَے کارمند زدگ بوتگ انت –
آئی ءَ گوشتگ بلوچ راجی آجوئی سنگر ( براس) ءِ اے دراج کشیں لشکری مھم ءِ وھد ءَ نوشکی ءَ یک جنگے ءِ وھد ءَ سرمچار شھید جھانزیب مینگل پنام ءِ بالاچ ءَ شھیدی پہ وتی نام ءَ کتگ-
اے جنگ 27 مارچ ءِ شپ ءَ نوشکی ءِ دمگ قادر آباد ءَ ھما وھد ءَ پیش اتکگ کہ زورگریں پاکستانی پوج ءَ سرمچارانی دزگیر کنگ ءِ واستا بیڑ برتگ- سَے اداراں دراج کشیں جنگ ءُ چوپ ءِ وھد ءَ شھید سرمچار جھانزیب ءَ ایوک ءَ دشمن ءِ مکابلہ کتگ، ءُ زورگریں پوج ءِ ھشت کارندہ کشتگ انت ءُ بازینے زدگ کتگ انت ءُ دشمن ءِ پیشگامی بے سوب کتگ-
جنگ ءِ وھد ءَ دشمن ءَ راکٹ لانچراں ھوار مزنیں سلاہ کارمرد کتگ انت بلے سرمچار جھانزیب ءَ گچینی ءُ ھوسلگ ءُ جنگی ریپکاں جوانیں رنگے ءَ گھگیری کتگ – آ گڈی ساھت ءَ داں فرنٹ لائن ءَ جاڑیگ بیتگ- ءُ سک زدگ بوگ ءَ ابید داں جنگ کنان ءَ شھید بیتگ-
شھید جھانزیب مینگل پنام ءِ بالاچ ء شاہ خالد مینگل ءِ سیادی نوشکی ءِ دمگ قادر آباد ءَ بیتگ- دو سال پیش آئی ءَ بلوچ لبریشن آرمی ءَ بھر زرتگ ءُ وتی جنگی ریپک، پکری پھتوی ءُ گل ءِ رازداری ءِ بنیاد ءَ بی ایل اے ءِ گچینی لشکری یونٹ “ اسپیشل ٹیکٹیکل آپریشنز اسکواڈ (STOS) ءِ باسک بیتگ ئے-
اے یونٹ سک ءَ گچین ءُ جھلانکدار ءُ ھیلکاریں ڈولانی کاوروائیانی واستا جوڑینگ بیتگ- ءُ شھید بالاچ اے کاروائیاں ھروھد ءَ بنداتی سرپ ءَ بیتگ- آئی ءَ گچینی آپریشنزانی سوبمندی سرجم کتگ- چریشی ءَ دشمن ءَ بازیں کچے ءَ جانی ءُ مالی تاوانانی دیمپانی کنگ کپتگ-
شھید بالاچ نا ایوک ءَ یک جنگی زانتکارے بیتگ بلکیں یک سیاسی ءُ راجی زانشت ءَ سیادی داروکیں گھگیریں باسکے بیتگ- کہ گل ءِ ھیلکاری، رازداری، راجی لوٹانی جزبگ ءَ ھمک زاتی لوٹانی یک گور کنگے واھشتے داشتگ – آئی ءَ یک کسانیں وھدے ءَ سرجمیں گھگیری ءِ سپر ءَ آجوئی ءِ زرمبشت ءَ را املی تاکت، پکری ءَ ھوار لشکری ستک داتگ-
بلوچ راجی راجی آجوئی سنگر شھید سرمچار جھانزیب مینگل ءَ داد دنت ءُ اے گپ ءِ کول ءَ کنت کہ شھیدانی راہ براس ءِ گامگیجی انت وژن ءُ کرارانی بنیاد اِنت – براس اے گپ ءَ پھتوی ءَ ستک دار ایت کہ شھیدانی مشن ءَ گڈی منزل ءَ رسینگ مئے راجی ءُ گل ءِ زمہ واری انت- آیانی آجو بلوچستان ءِ واب راستینگ ءَ آرگ مئے جد ءُ جھد ءِ بنکی چیدگ انت-
جارکش ءَ گوشتگ براس وتی اے گوستگیں عسکری مھم ءَ دشمن ءِ ھلاپ ءَ یک یکشل ءُ ودیتگیں گھگیری ءِ پیشگامی گوش ایت- چوشکہ بلوچ راجی جنگ ءِ آجوئی اے تک ءَ داں دشمن ءِ لشکری تاکت، ریاستی درشانداب ءُ دمگی دپچٹانی ھلاپ ءَ یک تچکیں کلوھے – اے اُرشانی مول ءُ مراد تاوان دیگ ناں بلکیں دشمن ءِ سرین ءَ پروشگ، گامانی ءُ ستک ءِ سر ءَ یکشلیں چیلنجے ءِ کنگ انت- اے اُرش بلوچ وتن ءِ آجوئی ءَ داں دیم ءَ گیش ترندی ءَ گوں برجاہ بنت اِنت-