پوج ءَ زالبولیں باسک ءِ لوگ ءَ پترتگ ءُ پروشت ءُ پروش ءُ گرانبھائیں سامان برتگ اَنت-
چہ شال ءَ ھالانی رِد ءَ پولیس ءُ سی ٹی ڈی ءَ بلوچ یکجھتی کمیٹی شال ءِ زالبولیں باسک گل زادی بلوچ لوگ سر ءَ بیڑبرتگ لوگ تہ ءَ پروشت ءُ پروش کتگ گرانبھائیں سامان وتی ھمراھی ءَ برتگ اَنت-
گل زادی بلوچ رِد ءَ گوستگیں شپ ءَ پوج ءَ سی ٹی ڈی ءُ پولیس کارندھاں منی کمرہ ءِ کُبّل پروشتگ لوگ تہ ءَ پروشت ءُ پروش کتگ ءُ زرورتیں سامان وتی ھمراھی ءَ برتگ اَنت آیانی تہ ءَ منی کتاب، لیب ٹاپ، ڈوکیومنٹس ءُ منی گُد ھوار بیتگ اَنت برتگ اَنت ئے-
زانگ بہ بیت چیزے روچ ءَ ھمے لوگ ءَ چہ پولیس ءُ سی ٹی ڈی ءَ بیڑبرتگ گل زادی بلوچ آوار جتگ وتی ھمراھی ءَ برتگ، چیزے کلاک ءَ بندیگ بیگ ءَ پد آ یل داتگ-
زالبولیں باسک رِد ءَ آ اشی ءَ ساری آوار جتگ برتگ اے میان ءَ آئی ءِ موباھل پون، کتاب دستیگ کتگ ءُ واتر نداتگ اَنت کہ انگت پوج واکدار گور ءَ اَنت-
گل زادی رِد ءَ پوج ءِ بندیگجاہ ءِ میان ءَ کارندھاں آ بیھار داتگ کہ آ بی وائی سی ءَ چہ دزکش بہ بیت بے توار بہ بیت اگاں ناں آئی ءَ جانی ءُ مالی تاوان دے ایں-
آئی ءَ دیمتر ءَ گْوشتگ کہ اے وڑیں بیھار ءَ چہ ما ناں کمزور بہ ئے نانکہ پُشتکنز بہ ئے ایں نانکہ وتی سنگتانی ءُ شھیدانی دیمونی ءَ بیھال کن ایں-