بارکھان ءَ چیریں ادارھانی ھپت کارمندانی کوش ءِ زمہ واری بی ایل اے ءَ منّ اِتگ انت

بلوچ آجوئی لوٹوکیں سلاہ بندیں گل بلوچ لبریشن آرمی ءِ جارکش جیئند بلوچ ءَ وتی جندءِ چینل ھکّل ءَ شنگ کرتگیں درشانے ءِ تہ ءَ گوشتگ کہ مئے سرمچاراں بارکھان زورگیریں پاکستان پوج ءُ چیریں ادارھانی ھپت کارمند پجار کنگ ءَ پد دزگیر کُتگ ءُ کُشتگ انت –

جارکش ءَ گوشتگ کہ بی ایل اے ءِ سرمچاراں انٹلی جنس ونگ “زراب” چیریں ھال دیگ ءَ پد یک ٹارگٹ آپریشن ءِ کتگ ءُ دژمن ءِ ھپت دلار پجار کنگ ءَ پد دزگیر کتگ انت – دژمن ءِ اے چیریں دلاراں شال ءَ ھوار بلوچستان ءِ ایندگہ دمگاں وتی دروشم مٹ کتگ ءُ چاریگی ءُ بلوچ چکچینی ءَ ھوار دگہ سلکاری کتگ بوتگ کہ آیانی پجار کنگ ءَ پد کُشتگ انت –

جارکش ءَ گوشتگ کہ اے ٹارگٹ آپریشن ءِ میان ءَ سرمچاراں گوستگیں شپ ءِ ادار دھ ءَ بارکھان ءِ دمگ رڑکن ءَ نیو کوئٹہ پشین بسم اللہ ھوٹل ءَ دگ بندی کتگ ءُ گاڑی پٹ ءُ پول کتگ انت – ھمے وھد ءَ سرمچاراں ھمے کوچ داشتگ کہ اشی ءِ تہ ءَ زورگیریں پاکستانی پوج ءُ چیریں ادارھانی کارمند سوار بوتگ انت، سرمچاراں ھمے ھپتیں کارمند پجار کنگ ءَ پد کُشتگ انت کہ آیانی تہ ءَ گوستگیں ڈی ایس پی عاشق حسین ھم ھوار بوتگ –

آئی ءَ گوشتگ کہ اے ریاستی ناشرکار بازیں سلکاری چوش کہ بلوچ چکچینی، زورانسری آوار جنی ءُ بلوچ راجی مڈیانی تاوان دیگ ءَ دست ءِ مان بوتگ ءُ بلوچ لبریشن آرمی ھمیشانی شوھاز ءَ بوتگ کہ گڈسر ءَ زراب ءِ ھال دیگ ءَ پد بیڑ برتگ ءُ دزگیر کتگ انت ءُ پد پجار کنگ ءَ پد کُشتگ انت –

درشان ءِ گڈسر ءَ جارکش ءَ گوشتگ کہ بلوچ لبریشن آرمی اے کار ءِ زمہ واری ءَ من ایت ءُ دژمن پوج ءِ درسیں چاریگ ءُ دلار وارننگ دیگ بنت کہ آ وتی بلوچ کُش کردار ءَ دزکش بہ بنت دژمن پوج ءَ ھم کار مہ بنت اگاں ناں بلوچ چکچینی ءَ ھواریں درسیں کمک کار بیمناکیں سزا دیگ بنت –