ھاران ءُ بلیدہ ءَ دُژمنیں چاریگ ءُ راشن سر کنوک ءِ نشانگ کنگ زمہ واری ءَ منّ ایں – بی ایل اے

بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ سرمچاراں ھاران ءُ بلیدہ ءَ دو جتاجتائیں کاروائیاں زورگریں پاکستانی پوج ءِ چاریگ کُشتگ ءُ راشن دستیگ کتگ اَنت-

جارکش ءَ گْوشتگ کہ بلوچ لبریشن آرمی ءِ سرمچاراں مروچی ھاران ءَ گریڈ اسٹیشن ءِ نزیک ءَ دُژمنیں پوج ءِ چاریگ انیس ء گل محمد بنگلزئی جھمنند کلی بنگلزئی سلاہ بندیں اُرشے ءَ کشتگ-

جارکش ءَ گْوشتگ کہ اے چاریگ زورگریں پاکستانی پوج ءِ چیردستی ءَ ھاران شھر کش گوراں چاریگی کارکنگ ءَ بیتگ- انیس بنگلزئی زورگریں پوج ءِ دست ءَ ورنایانی زورانسری آوار جنی ءَ ھمگرنچ بیتگ وھدے کہ لوگانی سر ءَ بیڑبرگ ءَ ھم دُژمنیں پوج ءِ کمکاری ءَ تچکی ءَ ھمگرنچ بیتگ-

آئی ءَ گْوشتگ کہ انیس بنگلزئی، بلوچ دُژمنیں کار ءِ سر بیگ ءَ بی ایل اے سرمچارانی نشانگ لسٹ ءَ بیتگ کہ آ مروچی سرمچاراں گُڈی آسر ءَ سر کتگ-

جارکش ءَ دیمتر ءَ گْوشتگ کہ بلوچ لبریشن آرمی ءِ سرمچاراں مروچی بلیدہ ءِ دمگ گردانک ءَ زورگریں پاکستانی پوج ءَ را راشن سر کنوکیں مردم گپتگ اَنت کہ آیاں منّ اِتگ آ زورگریں پوج ءِ وکائی بُنجل ءَ راشن سر کنگ ءَ برگ ءَ اِنت-

جارکش ءَ گْوشتگ کہ سرمچاراں راشن وتی دستیگ کتگ اَنت وھدے کہ ڈرائیور بلوچ بیگ ھاتر ءَ کڈن کنگ ءَ پد یل داتگ اَنت-

جارکش ءَ درشان ءِ گُڈی ءَ گْوشتگ کہ بلوچ لبریشن آرمی اے دوئیں کاروائیانی زمہ واری ءَ منّ اِیت-