کیچ؛ ظریف بلوچ ءِ درکانودیں کوش ءِ ھلاپ ءَ زھرشانی شھدگ بند

ظریف بلوچ ءِ کوش ءِ ھلاپ ءَ تربت ءَ ڈی بلوچ پوائنٹ ءِ سر ءَ سی پیک شھدگ بند کنگ بیتگ –

سی پیک شھدگ ڈی بلوچ ءَ زالبولاں ظریف بلوچ ءِ کوش ءُ لاش ءَ زورانسری دارگ ءِ ھلاپ ءَ بند کتگ-

زھرشانی کنوکیں زالبولانی رد ءَ گوستگیں شپ ءَ ظریف چہ لوگ ءَ چِست کنگ ءُ پد ءَ آئی ءِ لاش کھول ءِ ھوالگ ءَ دیگ بیتگ کہ آ لٹ ءُ کٹ کنگ ءُ کشگ بیتگ- کھول لاش ءَ تربت ءَ آرگ لوٹ انت بلے آ راہ ءَ دارگ بیتگ اَنت ءُ تربت ءَ آیگ ءَ دارگ بوگ ءَ اَنت-

آیاں گوشتگ ایشی ءَ گیش بلوچانی گون ءَ چی بیت کت کنت اِنت کہ وتی لاشانی سر ءَ گریوگ ءَ ھم نہ ھیلگ بوگ ءَ اَنت-

اھوالانی رد ءَ کھول لاش ءِ ھمراھی ءَ آسیاباد ءِ ھند ءَ پورسز ءَ داشتگ انت-

تمپ ءَ پاکستانی لشکر ءِ زوراکیانی ھلاپ ءَ شٹرڈاؤنیں ھرتال انت-

تمپ آسیاباد ءَ تامر بند ءَ شنگ کنان ءَ کشگ بیتگین ءِ جِنک ءَ گوشتگ آ وتی پت ءِ میت ءَ تربت میڈیکل ءَ آرگ لوٹ ایت ءُ آئی ءِ مرگ ءِ سبب ءَ زانگ لوٹ ایت بلے آ دگ ءِ سر ءَ دارگ بیتگ کہ چریشی ءَ زھرشانی کنگ ءَ اِنت-

دومی نیمگ ءَ مند ءَ زھرشانی کھول ءَ آیوکیں مردم گواگ چیک پوسٹ ءَ دارگ بیتگ ءُ آیاں دیم ءَ روگ ءَ نہ ھیلگ ءَ انت-