ایران ءِ زیردستیں بلوچستان ءَ گوستگیں شپ ءَ یک مردمے ءِ لاش دزکپتگ کہ آئی ءِ پجار بلوچستان ءِ دمگ کیچ ءِ ھند تربت آپسر ءِ جھمنندین ساجد اکبر ءِ نام ءَ زانگ بیتگ-
اے مرد ءِ تیر سیتگیں لاش روکپتی بلوچستان ءِ دمگ راسک پیرکوہ ءَ دزکپتگ کہ چریشی ءَ گمان پدر کنگ بوگ ءَ انت کشگ ءَ پد آئی ءِ لاش چگل دیگ بیتگ-
دمگی اھوالانی رد ءَ ساجد اکبر گوست ءَ بلوچ آجوئی لوٹوکیں سلاہ بندیں گلان ھوار بیتگ ءُ پد ءَ پاکستانی پوج ءِ دیم ءَ سرجھل بیتگ-
کھول ءِ رد ءَ سرنڈر بیتگین ساجد سیکورٹی لشکر ءَ دزگیر کتگ ءُ پد ءَ بیگواہ کتگ-
زانگ بہ بیت ساجد اکبر ءِ مات بی بی زیبا ءُ گوھار مُسکان ءَ ھمے سال ءِ بیست ءُ چار مئی ءَ تربت پریس کلب ءَ یک پریس کانفرنسے ءَ وتی برات ءِ یل کنگ ءِ لوٹ کتگ-
آیاں گوشتگ ساجد زاکر عبدالرؤف ءِ سروکی ءَ ریاست ءِ دیم ءَ سرجھل بیتگ بلے پد ءَ سرنڈر بوگ ءَ پد آ دزگیر کنگ ءُ کھول ءَ نا آئی ءِ گندوک ءُ نا آئی ءِ بارو ءَ دگہ اھوال –
کھول ءَ گوشتگ ات کہ ھرچ کسے کہ سرنڈر کنت اِنت آ دزگیر یا بیگواہ نہ بیت اِنت بلے ساجد ءِ درگت ءَ بے تواری گیش مارا جیڑینگ اِنت-
گوستگیں روچ ءَ پیرکوہ راسک ءَ دزکپتگین لاش ءِ پجار ساجد اکبر ءِ نام ءَ زانگ بیتگ-