کیچ ءَ دو مردم بیگواہ، چہ گوادر ءُ پنجگور ءَ چار مردم یل کنگ بیتگ اَنت

بلوچستان ءِ دمگ چہ کیچ ءَ پاکستانی پوج ءَ یک دو مردم آوار جنگ ءَ پد بیگواہ کتگ اَنت-

بیگواہ کنگ بیتگیں دوئیں مردمانی پجّار وارث ء ابراھیم ءُ گلاب ء بوھیر نام ءَ چہ بیتگ اَنت-

دوئیں پاکستانی پوج ءَ گوستگیں روچاں کیچ ءِ دمگ چہ دشت باھوٹ چات ءَ آوار جنگ ءَ پد بیگواہ کتگ اَنت چریشی ءَ پد دوئیں بیگواہ ءَ اَنت-

دومی نیمگ ءَ بلوچستان ءِ تیاب دپی شھر چہ گوادر ءَ شش دسمبر شپ ءَ پاکستانی پوج ءِ دست ءَ بیگواہ کنگ بیتگیں زاھد مصطفیٰ آجو بیتگ ءُ وتی لوگ ءَ سر بیتگ-

اے نودربر گوادر یونیورسٹی ءَ ڈیٹا سائنس نودربرے کہ پنچ گاڑیاں ھمگرنچ سادھیں ءُ وردیانی تہ ءَ پاکستانی پوج ءِ کارمنداں گوادر ءَ آئی ءِ لوگ ءَ چہ ءَ دیوال ءَ دور کتگ ءُ بیگواہ کتگ-

کھول رِد ءَ زاھد چست کنگ وھد ءَ چماں پُچے بستگ سے روچ ءَ تاں یکشل ءَ لَٹ کُٹ کتگ- آئی ءِ چمّاں پُچ یل کنگ ءَ وھد دیر کتگ- باندا یونیورسٹی ءَ آئی ءِ پیپر اِنت ءُ آئی ءِ جاور پیپر دیگ وڑ ءَ نہ اِنت-

ھمے وڑ چہ پنجگور ءَ ھال اِنت گوستگیں روچاں چار مردم بیگواہ کنگ بیتگ اَنت اشانی تہ ءَ سے مردم یل کنگ بیتگ اَنت آیانی تہ ءَ وسیم ھاشم، عبدالشکور صالح، خلیل صدیق ھوار اَنت وھدے کہ ارشاد رفیق انگت بیگواہ ءَ اِنت-