شاہ زیب بلوچ ءِ میت ءِ نہ دیگ ءِ ھلاپ ءَ کھول ءِ زھرشانی برجاہ

شاہ زیب بلوچ بلوچ ءِ میت ءِ دیگ ءِ لوٹ، کھول ءُ دمگی مردماں شال ءَ زھرشانی برجاہ داشتگ-

شاہ زیب بلوچ میت ءِ نہ دیگ ءِ ھلاپ ءَ کھول ءُ دمگی مردم شال ءَ سول نادُراھجاہ ءَ مردگجاہ ءِ دیم ءَ زھرشانی ءَ نشتگ اَنت-

کھول ءِ گوشگ اِنت کہ آ چنت روچ اِنت کہ وتی دوستانک ءِ میت ءِ وداریگ اَنت، بلے پاکستانی واکدار تنی وھدے میت دیگ ءَ ساڑی نہ اَنت-

زھرشانی کنوکاں واکدار ءِ رویشگ درانسانی کنان ءَ گوشتگ کہ وتی دوستانک ءِ میت کل ءُ کسارت کنگ آیانی بُنکی ھک اِنت- آیاں لوٹ کتگ کہ میت زوت آیانی دست ءَ دیگ بہ بیت-

زانگ بہ بیت کہ بلوچستان ءَ گیشتر وھداں آجوئی لوٹوکانی میتاں دزگرگ ءِ درگت ءَ جیڑہ دیم ءَ کاینت- چریشی ءِ سر ءَ انسانی ھکانی باسک دلپدردی درشان کن اَنت-