روکپتی بلوچستان ءِ دمگ سرباز ءَ ایرانی لشکر ءِ لس پوشاکی کارمنداں یک مردمے آوار جنگ ءَ پد بیگواہ کرتگ-
گیشیں اھوالانی رد ءَ ایرانی لشکر ءِ لس پوشاکی کارمنداں سرباز ءِ ھند دیمگان ءَ اَچ کارجاہ ءَ یک ورنایے آوار جتگ ءُ گون وت برتگ-
آوار جنگ بیتگیں مردم سعید اربابی ء فیصل جھمنند دیمگان ءِ نام ءَ زانگ بیتگ-
اھوالانی رد ءَ سعید وتی دکان ءَ کار ءَ بیتگ کہ لس پوشاکی کارمنداں آوار جتگ ءُ برتگ-
زانگ بہ بیت روکپتی بلوچستان ءَ وھد وھد ءِ سر ءَ مردمانی آوار جنیانی اھوال رپورٹ بوگ ءَ اَنت بلے لھتے ماھانی توک ءَ آیانی تہ ءَ گیشی گندگ بوگ ءَ اِنت-