دشت: فوٹوگراپرے ءَ ھوار دو مردم بیگواہ

بلوچستان ءِ دمگ کیچ دشت ءَ گوستگیں روچ ءَ پاکستانی پوج ءَ فو مردم دزگیر کنگ ءَ پد بیگواہ کرتگ اَنت-

اھوالانی رد ءَ دشت ءِ دمگ شولیگ ءَ سیادی داروکیں دو مردم پاکستانی پوج ءَ دزگیر کنگ ءَ پد بیگواہ کتگ انت-

بیگواہ کنگ بیتگیں مردمانی پجار عبدالستار ء خالد ءُ طارق ء حاجی حمزہ ءِ ناماں زانگ بیتگ انت کہ ھردوک دشت شولی ءِ جھمنند اَنت-

اھوالانی رد ءَ عبدالستار یک ورنائیں فوٹوگراپرے کہ آ گوستگیں روچ ءَ بیگواہ کنگ بیتگ-

دمگی مردمانی گوشگ اِنت اے مردم گوستگیں دو روچ پیش بینگ ءِ گرگ ءَ شتگ انت ءُ اود ءَ پوج ءَ دزگیر کتگ ءُ برتگ انت-

گوستگیں روچ ءَ پوج ءِ آپریشن سیاھجی ءِ کوھی دمگاں برجاہ اِنت کہ اود ءَ بازیں کچے ءَ پوج ءِ گاڑی ءُ پوجی گندگ بیتگ اَنت-