روکپتی بلوچستان ءِ جتا جتائیں جاھاں پیش اتکگیں تیرگواری وئیلاں دو مردم بیران بیتگ اَنت ءُ یکے زدگ بیتگ-
اھوالانی رد ءَ ھاش ءَ پیش اتکگیں تیرگواری وئیلے ءَ یک مردمے بیران ءُ یکے زدگ بیتگ-
گیشیں اھوالانی رد ءَ ھاش ءِ ھند سعدی ءَ یک پژوے گاڑی ءَ سواریں سلاہ بنداں یک گاڑی ءِ سر ءَ تیرگواری کرتگ ءُ اود ءَ یک مردمے کشتگ ءُ یکے زدگ کتگ-
کشگ بیتگیں مردم ءِ پجار بیست ءُ سَے سالی ئیں ارمین میربلوچزئی ءِ نام ءَ زانگ بیتگ ءُ زدگ بیتگین ءِ پجار کامبیز شھنوازی ءِ نام ءَ زانگ بیتگ کہ ھردوک ھاش ءِ جھمنند اَنت –
ھمے ڈول ءَ جاشک ءَ ناشنادیں مردماں تیرگواری کرتگ ءُ اود ءَ یک مردمے کُشتگ-
کُشگ بیتگیں مردم ءِ پجار مستپا تاھری ءِ نام ءَ زانگ بیتگ کہ آ جاشک ءِ دمگ بونجی ءِ جھمنند اِنت-