روکپتی بلوچستان ءِ دمگ دشتیاری ءِ دمگ باھو ھور ءِ زِر ءَ ایرانی لشکر ءِ زِرپاسبان ءِ کارمنداں گُلپ ءِ گوماں چار تیل کشیں بلوچ ءِ کایِکانی رند گیری کنگ ءَ پد لگت داتگ اَنت کہ چہ آھاں یکے بُڈ اِتگ۔
دگہ مردمانی جانی تاوان دیم ءَ نیتکگ اَنت-
زانگ بہ بیت ھمے ھپتگ ءَ ایرانی لشکر ءِ کارمنداں گواتر ءَ باز جاھاں تیل کشیں کایک رندگیری کُرتگ ءُ لھتے دزگیر ءُ بندیگ ھم کُرتگ اَنت۔
اھوالانی رد ءَ اے وئیل ءَ پد دمگی مردم ءُ لشکریانی نیام ءَ اڑ ءُ چیل ھم بیتگ کہ چر ایشی ءَ پَد لشکری کارمند وتی بُنجل ءِ نیمگ ءَ شتگ اَنت-
ھمے ڈول ءَ روتک ءِ سیمسراں ھم ایران ءِ سیمسری لشکر ءَ تیل کشانی سر ءَ تیرگواری کرتگ ءُ اود ءَ ھم تیل کشانی گاڑیانی ڈرمب ٹنگ بیتگ اَنت بلے دگہ جانی تاوان نہ بیتگ اَنت-