بلوچستان ءِ دمگ کیچ ءِ ھند گورکوپ ءَ پاکستانی پوج ءِ لشکر کشی ھشتمی روچ ءَ ھم برجاہ ءَ اِنت-
گوستگیں روچاں گورکوپ ءِ جتاجتائیں دمگاں جھلی ءُ بُرزی لشکر کشی بندات کتگ کہ مروچی ھشتمی روچ ءَ ھم برجاہ ءَ اِنت-
دمگی وسیلگ ءَ ٹی بی پی ءِ گوشتگ کہ گورکوپ ءِ دمگ گودَر، رُنگاں، جلت، سالاج ءُ تل ءَ ھوار کش گور ءِ دمگ لشکر کشی ءِ تہ ءَ اَنت-
وسیلگ رِد ءَ پاکستانی پوج ءِ مزنیں کچے ءَ دمگ ءَ ساڑی اِنت وھدے کہ روگ ءُ آیگ ھم دمگاں بند اِنت-
زانگ بہ بیت دمگاں ھال اھوالی آسراتی بند بیگ سبب ءَ زوت ھال ءُ پوجی لشکر کشی ءِ سبب ءَ تاوانانی درگت ءَ چہ گیشیں ھالانی سرپدی دلسیاھی ءِ دیمپان اِنت-
ھشتمی روچ ءَ برجاھیں لشکر کشی درگت ءَ پوجی ھکومتی واکدار دنیگت ءَ ھچ وڑیں درشان شنگ کنگ نہ بیتگ-