سِی ستمبر دوھزار ءُ بیست ءُ چار ءَ چہ پنجگور تارآفس ءَ پاکستانی پوج ءِ دست ءَ آوار جنگ بیتگیں دو برات عابد نور ءُ صابر نور مروچی یل بیتگ اَنت-
ھردوکیانی یل بوگ ءِ ھال آئی ءِ کھولاں راست کنان ءَ گوشتگ ھردوک مروچی یل کنگ بیتگ اَنت-
زانگ بہ بیت ھردوکیں.براتانی بیگواھی ءِ ھلاپ ءَ آیانی کھول ءَ گوستگیں چار روچاں پنجگور ءَ ڈی سی کارگس ءِ دیم ءَ زھرشانی نندانک داتگ بیتگ-
نندانک گوستگیں روچ ءَ آسر کنگ بیتگ ءُ ڈی سی پنجگور ءَ بیست ءُ چار کلاکانی ودار ءَ پد زھرشانی نندانک ھلاس بیتگ ءُ مروچی آ یل کنگ بیتگ اَنت-
چریشی ءِ ھواری ءَ آیانی کھول ءَ روانک ءُ سی پیک دگ ءِ زھرشانی نندانک داتگ بیتگ –