پاکستانی چیریں ادارھاں دو مردم آوار جنگ ءَ پد ناشناسیں جاھے ءَ برتگ اَنت-
بلوچستان ءَ زورانسری آوار جنی ءِ دْرچ یکشلہ برجاہ ءَ اِنت، بلوچستان ءِ باپاری شھر چہ ھب چوکی ءَ ھال اِنت کہ پاکستانی پوج ءُ چیریں ادارھاں شپ وھد ءَ ھب بھوانی شاہ پمپ ءِ نزیک ءَ یک ھوٹلے ءَ چہ دو ورنا تُپنگ زور ءَ گاڑی ءَ سوار کتگ ءُ وتی ھمراھی ءَ برتگ اَنت-
پاکستانی چیریں ادارھانی دست ءَ بیگواہ کنگ بیتگیں عمران ء محمد اقبال جھمنند امیر آباد ءُ جنید حمید ء عبدالحمید جھمنند بھوانی ھوار اَنت-
وسیلگ رِد ءَ جنید ء عبدالحمید دمگی شرکت ءَ پوریاگری ءَ بیتگ وھدے کہ عمران ءِ پت گوستگیں دمگی کونسلرے-