بلوچستان ءِ دمگ کیچ ءِ ھند دشت ءَ پاکستانی پوج ءِ مزنیں کچے ءَ سر پُر کنگ ءَ اِنت وھدے کہ پوجی ھیلی کاپٹرانی بُرز بال ھم برجاہ ءَ اِنت-
دمگی اِھوالکار رِد ءَ دشت کش گوراں پاکستانی پوج ءِ مزنیں کچے ءَ سُر پُر ء دلگوش اِنت، کم چہ کم بیست پوجی ٹرک ءُ دگہ گاڑی پیشگامی کنگ ءَ گندگ بیتگ اَنت-
انچش سیاھجی ءِ کوھی درچ ءَ ھیلی کاپٹرانی بُرز بالی ءَ گندگ بیتگ اَنت-
دمگی مردم دمگ ءَ مزنیں کچے ءَ لشکر کشی ءِ گمان کنگ اَنت بلے واکدار انگت اے درگت ءَ ھچ وڑیں درشان شنگ نہ کتگ-
اشی ءَ ساری مروچی نوشکی شھر ءِ ھمرنچیں کوھی درچ ءَ ھیلی کاپٹرانی بُرز بالی ءَ گندگ بیتگ اَنت وھدے کہ گوستگیں روچ ءَ بولان ءِ دمگ مچھ کش گوراں پوجی ھیلی کاپٹر ءُ چاریگری بالگردانی بُرز بالی برجاہ-