بی ایل اے ءَ ھاران ءُ شال ءَ دو جتاجتائیں اُرشانی زمہ واری منّ اِتگ

بلوچ لبریشن آرمی ءِ جارکش ءَ شنگ کتگیں درشان ءِ تہ ءَ گْوشتگ کہ مئے سرمچاراں ھاران ءَ زورگریں پاکستانی پوج ءِ بُنجاھی بُنجل ءُ شال ءَ یک ریاستی چاریگ دو جتاجتائیں اُرشاں نشانگ کتگ اَنت-

جارکش ءَ گوشتگ کہ ھاران ءِ دمگ البت ءَ برجاھیں زورگریں پاکستانی پوج ءِ بُنجل سر ءَ سرمچاراں گوستگیں شپ ءَ راکٹ ءُ دگہ مزنیں سلاھاں چہ اُرش کتگ، دُژمنیں پوج ءِ پھازوکی چوکی ءَ راکٹ لگگ ءَ چہ یک دُژمنیں کارمندے ھما دمان ءَ مرتگ وھدے کہ دُژمن ءَ دگہ گیش جانی ءُ مالی تاوان چست کنگ کپتگ-

جارکش ءَ گوشتگ کہ مروچی شپ ءَ شال ءَ بروری دگ سر ءَ کلی ابراھیم زئی نزیک ءَ زورگریں پوج ءُ چیریں ادارھانی یک چاریگے مجاھد جھمنند بھاولپور، پنجاب تیرگواری کتگ کشتگ – اے مردم ھجام ءِ دکاندارے ءِ دروشم ءَ دُژمنیں پوج واستا چاریگری کنگ ءَ بیتگ، وھدے کہ ھجام دکان ءَ چاریگانی اوتاک ءِ ھساب ءَ کارمرز کنگ ءَ بیتگ اَنت-

جارکش ءَ گوشتگ بلوچ لبریشن آرمی اے دوئیں اُرشانی زمہ واری ءَ منّ اِیت-