دستونک
شکاری
دی بلوچستان پوسٹ
بکن ندر ساہ ئے مڑاہاں بِہ مِر
کہ پہ تو پناہ ئے مڑاہاں بِہ مِر
پہ راج ءُ پہ ننگ ءَ کتاراں بِہ بند
برو اَنچیں راہ ئے مڑاہاں بِہ مِر
گُلامی ءِ زِند ءَ ہزار لانَت اِنت
لگوری گُناہ ئے مڑاہاں بِہ مِر
تا کد چمّاں جہل ءَ زمین ءَ جنئے
مِرے پہ وباہ ئے مڑاہاں بِہ مِر
بِگر ملپداں میریں بالاچ ءَ تو
برو پہ سباہ ئے مڑاہاں بِہ مِر
چو ریھان ءَ پُلیں پدائی بکن
پہ مرگ ءِ مڑاہ ئے مڑاہاں بِہ مِر
بدئے بوسہ کبر ءَ شہید کمبر ءِ
نمیرانیں ساہ ئے مڑاہاں بِہ مِر
شکاری بچار چونیں نا سرپدئے
چیا چو نواہ ئے مڑاہاں بِہ مِر