ایران ءِ اُستان اسپھان ءِ زندان ءَ ایرانی آمیدگس ءَ یک بندیگیں بلوچے پاھو داتگ-
سر بیتگیں ھالانی رد ءَ گوستگیں روچ ءَ ایرانی آمیدگس ءَ زاھدان ءِ جھمنندیں مردمے ماں اسپھان ءِ زندان ءَ یک بندیگیں بلوچے پاھو داتگ-
پاھو دیگ بیتگیں مردم ءِ پجار سِی سالی ئیں جلیل نوتیزئی ء امین اللہ جھمنند زاھدان ءِ نام ءَ زانگ بیتگ-
اھوالانی رد ءَ جلیل سال دوھزار ءُ شانزدہ ءَ اسپھان ءَ نشہ باپاری ءِ بھتام ءَ گرگ بیتگ ءُ پد ءَ آمیدگس ءَ آئی ءِ سر ءَ پاھو ءِ ھکم داتگ بیتگ-
جلیل آدینگ ءِ روچ ءَ پہ پاھو ءِ واستا یک جتائیں کوٹی ءَ برگ بیتگ ءُ گوستگیں روچ ءَ آ پاھو دیگ بیتگ-
اھوالانی رد ءَ جلیل ءِ کھول ءَ آئی ءِ گڈی گندوک شمبے ءِ روچ ءَ کرتگ بیتگ ءُ مروچی آئی ءِ لاش کھول ءِ دست ءَ دیگ بیتگ-