ابدوئی ءَ پاکستانی پوج ءِ سر ءَ اُرش

سربوتگیں ھالانی رد ءَ گوستگیں شپ ءَ ناشناسیں سلاہ بندیں مردماں پاکستانی پوج ءِ سر ءَ اُرش کُتگ، اُرش ءَ پد بالگرد ھم دمگ ءَ سربوتگ انت –

اُرش کیچ ءِ دمگ ابدوئی ءَ پوجی پانگسے ءِ سر ءَ کنگ بوتگ، اُرش ءَ پد سلاہ بندیں مردم در آیگ ءُ روگ ءَ سوبمند بوتگ انت –

اھوالکار ءِ رِد ءَ مروچی سھب ءَ پوج ءِ بالگرداں ھمے دمگ ءَ ترءُ تاب کتگ، ھالانی رِد ءَ پوج ءَ جانی ءُ مالی تاوانانی دیمپانی کنگ کپتگ بلے تنی وھدی سرکاری واکدارانی نیمگ ءَ اے درگت ءَ ھچ گوشگ نہ بوتگ –

بلوچستان ءِ جتا جتائیں ھند ءُ دمگاں پاکستانی پوج ءِ سر ءَ اُرشانی درچ برجاہ انت – گوستگیں روچ ءَ پنجگور ءَ پوج ءِ بنجاھی بنجل ءِ پانگسانی سر ءَ اُرش کنگ بوتگ ات کہ آئی ءِ زمہ واری بلوچ لبریشن آرمی ءَ منّ اِتگ ات –

اے اُرش ءَ پیسر کیلکور ءَ ھم پوج ءِ سر ءَ اُرش ءِ کنگ بوتگ ات کہ اودا یک پوجی کارمندے مُرتگ ات ءُ آئی ءِ زمہ واری بی ایل ایف ءَ منّ اِتگ ات –

بلے تنی وھدی ابدوئی اُرش ءِ زمہ واری ھچ گل ءَ نہ منّ اِتگ –