بلوچستان ءِ دمگ کیچ ءَ چہ سر بیتگیں اھوالانی ردءَ ناشناسیں سلاہ بندیں مردماں گوستگیں شپ ءَ پاکستانی لشکریانی چوکی ءِ سرءَ اُرش کُتگ ءُ نشانگ کُتگ۔
اھوالکارانی رد ءَ اُرش کیچ ءِ ھنکین تمپ پل آباد ءِ ھند ءَ برجاھیں پاکستانی لشکریانی چوکی ءِ سرءَ کنگ بیتگ۔
اھوالکارانی گُشگ اِنت کہ ناسناسیں سلاہ بندیں مردمانی اُرش ءِ تہءَ لشکریاں تاوان ءِ دیمپانی کنگ کپتگ، وھدیکہ اُرشکار اُرش ءَ پد تچگ ءُ درکپگ ءَ سوبمند بیتگ اَنت۔
یات بہ بیت اے اُرش ءِ درگت ءَ داں انگت واکدارانی نیمگ ءَ ھچ پئیمیں لیکہ دیما نئیتکگ، ءُ نانکہ ھمے اُرش ءِ ذمہ واری کجام ھم گلءَ پہ وتءَ زُرتگ۔