کراچی: رینجرز ءِ سر ءَ دزبمب اُرش، اُرش ءِ زمّہ واری بی ایل ایف ءَ منّ اِتگ

سربوتگیں ھالانی رِد ءَ کراچی ءِ دمگ ءَ لیاری ءَ ناشناسیں مردماں رینجرز ءِ سر ءَ دز بمب ءِ اُرش ءِ اُرشے کُتگ –

گیشیں ھالانی رِد ءَ دوشی شپ ءِ ادار دہ ءَ ناشناسیں مردماں کراچی ءِ دمگ لیاری گریب شاہ ءَ پاکستانی پوج رینجرز ءِ سر ءَ دز بمب اُرش ءِ کنگ بوتگ اُرش ءِ زمّہ واری بلوچ آجوئی لوٹوکیں سلاہ بندیں گل بی ایل ایف ءَ منّ اِتگ –

بلوچستان لبریشن فرنٹ ءِ جارکش میجر گوھرام بلوچ ءِ رِد ءَ اے اُرش مئے سرمچاراں کُتگ –

جارکش ءَ گوشتگ کہ سرمچاراں بیست ءُ ھشت جون ءِ شپ ءِ ادار دھ ءَ کراچی دمگ گریب شاہ ءَ برجاھیں پاکستانی رینجرز ءِ پانگس دز بمب اُرش ءِ نشانگ کتگ کہ آئی ءِ تہ ءَ سَے کارمند ساڑی بوتگ انت –

جارکش ءِ رِد ءَ دزبمب پانگسے تہ ءَ کپتگ ءُ.چریشی ءَ یک کارمندے مُرتگ ءُ دو زدگ بوتگ انت –

جارکش ءَ گڈسر ءَ گوشتگ کہ اے اُرش ءِ زمہ واری ءَ بی ایل ایف منیت ءُ دژمن پوج ءِ سر ءَ مئے اُرش برجاہ مان انت