کوھی بلوچ
دی بلوچستان پوسٹ
تئی بُنجل آں پروشاں باں یک یک ءَ
تاچیناں ترا ءُ پدا کندان باں یک یک ءَ
اے جنگ نوں سر اِنت دیم پہ آجوئی ءَ
پاداں مدار ایت بْیا کِنزاں باں یک یک ءَ
ھیران کُتگ ھیران کناں نوں پدائی ترا
چو بَشّی جمبر ءَ گرنداں باں یک یک ءَ
شال بیت، گْوادر بیت یا کہ پنجاپ تئی
نوں دُرس شورہاں بنداں باں یک یک ءَ
داں آجوئی ءَ جنگ داران نرمزار مئے
پہ گُلزمین ءَ نمیران باں یک یک ءَ
نوں کہ ھونانی ھار نہنگ ءَ سر اِنت کوؔھی
بْیا زُلم ئِے زنجیراں سِندان باں یک یک ءَ