بلوچستان ءِ دمگ کلات ءَ پاکستانی پوج ءِ بیڑ برجاہ – پوجی لشکر کشی ءَ پند ءَ پوجیانی ھواری ءَ بال گرد ھم بھر زورگ ءَ اَنت – ھمے داب ءَ دمگ ءَ روگ ءُ آیگی راہ ءُ در بند کنگ بیتگ اَنت –
اھوالانی رد ءَ کلات ءِ ھند جوھان ءِ گیشگ ءُ کش ءُ گوری دمگاں پوجی بیڑ برجاہ اِنت – چریشی ءِ سبب ءَ گن شپ ھیلی کاپٹر ھم بھر زورگ ءَ اَنت –
دمگی مردمانی رد ءَ گوستگیں شپ ءَ پوج ءِ آیگ بندات بیتگ اَنت ءُ مروچی سھب ءَ دمگ ءَ ھیلی کاپٹر اتکگ ءُ برز ءَ بال اَنت-
دمگی مردمانی رد ءَ جوھان ءِ راہ ءُ در پوج ءَ گپتگ ءُ بند کتگ اَنت ھمے وڑ مردماں ڈن ءُ دراں روگ ءَ ھیلگ ءَ نہ اِنت –
واکدارانی نیمگ ءَ تنی وھدی دگہ تاوانانی اھوال دیم ءَ نیتکگ اَنت-