دبئی ءَ کار کنوکانی پگارانی نہ دیگ ءَ کمپنی ملام کنگ بیتگ

متھدہ ارب امارات دبئی ءَ لیبر کورٹ ءَ کار کنوکانی دو ءِ پگارانی نہ دیگ ءِ پژدر ءَ بند ءُ ساچی شرکت ءِ سر ءَ دَہ لک ءُ ھپتاد ءُ پنچ ھزار درھم ملام جتگ –

امارات الیوم ءِ رد ءَ دبئی ءَ بند ءُ ساچی شرکت ءَ دوسد ءُ پانزدہ ملازمانی دو ماہ ءِ پگار داشتگ اَنت چریشی ءَ لیبر کورٹ ءَ کارکنوک شتگ اَنت ءُ ارزی ایش نبشتگ کتگ-

آمیدگس ءَ کمپنی ءِ واھند لوٹائینتگ ءُ کارکنوکانی پگارانی نہ دیگ ءِ پژدر ءَ پٹ ءُ پول کتگ بیتگ، ھمے میان ءَ واھند ءَ وتی گلگ درشان کنان ءُ گوشتگ کہ آ مالی جاورانی ناگیگی ءِ دیمپان اِنت ءُ چریشی ءَ چہ آ پگاراں دات کُت نہ کنت-

آمیدگس ءَ کمپنی ءِ واھند ءِ ھلاپ ءَ پیسلہ کنان ءَ ملام بندان ءَ یک کارکنوکیں مردمے ءَ پنچ ھزار درھم دیگ کہ اے ھسابی رنگ ءَ دَہ لک ءُ ھپتاد ءُ پنچ ھزار جوڑ بنت کہ ایشانی پر کنگ ءِ ھکمے داتگ-

لیبر کورٹ ءِ کانونی مشیر ءِ گوشگ اِنت کمپنی ءُ ادارھانی واھنداں لوٹ ایت کہ آ پہ وھد کارکنوکانی پگاراں بہ دے اَنت ءُ پگارانی دیگ ءَ ھچ دیری مہ کن اَنت-

کانونی مشیر ءَ گوشتگ کہ پگارانی نہ رسگ ءِ پژدر ءَ باسک تچک ءَ کانونی ادارہ ءَ بیاینت ءُ اود ءَ وتی ھکانی پھریزی ءَ کُت کن اَنت-