کیچ: سلاہ بندیں مردماں چوکی ءِ سر ءَ اُرش، ٹرک ءُ دگہ ساز ءُ سامان اش مانداشتگ انت

بلوچستان ءِ دمگ کیچ ءَ گوستگیں روچ ءَ ناشناسیں مردماں پاکستانی پوج ءِ جوڑ بوھوکیں چوکی ءِ سر ءَ اُرش کرتگ ءُ سرجم ءَ تباہ کتگ-

چار شمبے ءِ بیگاہ ءَ مند ءِ ھند مبارک چات ءَ ناشناسیں مردماں بازیں کچے ءَ پاکستانی پوج ءِ جوڑ بوھوکیں چوکی ءِ سر ءَ اُرش کتگ-

دمگی مردمانی رد ءَ بنجل ءِ دیوال ءِ ڈروھینگ ءِ ھواری ءَ اود ءَ جاڑیگیں ساز ءُ سامان ءُ یک ٹرکے ھم مانداشتگ ات –

اے وئیل ءَ جانی تاوانانی اھوال نہ بیتگ اَنت بلے اُرش ءَ پد پوج بازیں کچے ءَ ھمے جاہ ءَ سر بیتگ ءُ اُرشکاراں چوکی ءِ ماندارگ ءَ پد پشت مانداتگ ءُ شتگ اَنت –